Josua 24:23 - O Debleskro Drom 2021 (Sinte)

²³ Koi penas o Josua: “Jaake tchiwenn kanna kol chochene deblen krik, hoi mank tumende hi. Un rissrenn tumare djia pash o baro Debleste, kai o Israeleskro Dewel hi.”

O Debleskro Lab 2024 (Sinte-Manouche)

²³ Koy penas o Yosua: “Yaake čivenn kanna kol rhorhene deblen krik, hoy mank t'mende hi. Oun rissrenn t'mare djia pash o baro Debleste, kay o Israeleskro Devel hi.”

Josua 24:23 Referans Kwoze

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!

Gosewe laba 2:2

de jak ap o goswepen, un kre tiro dji pre, te haiwess lauter mishto!

Debleskri gili 141:4

Muk miro dji gar o tchilatchepen palla te dell, te krap gar midjak koowa khetne i tchilatchentsa. Muk man gar te chap lengro shukar chapen!

Debleskri gili 119:36

Kre te dikap ap tire laba, hoi mange sikrenn, har te djiwap, un dikap gar ap o brawlepen!

2. Mose 20:23

Doleske krenn tumenge kek wawar debles, kek dran rup, witar kek dran sonakai.

Hosea 14:8

Un me hom lenge har i ruk, kai leskre mussja pral lende rikrell, un tel koleste jon beshdo hi. Un lenge well djob pale bares. Un jon wenn har i drakengro ruk, koles bud bud drake hi. Latches well pral lende rakedo, har pral koi mool dran o Libanon.

1. Rajengro liil 8:58

Mu tserdell lo mare djia pash peste, te nai djas ap leskro drom, un te rikras leskre laba, un kras, hoi job mendar kamell, un djiwas pal leskre tchatchepaskre laba, hoi job mare phurende das.

1. Rajengro liil 8:57

Mu atchell maro baro Dewel mentsa, jaake har job mare phurentsa his, te atchell lo pash mende un mukell men gar kokres!

Debleskri gili 81:10

Pash tumende hunte well kek wawar dewel, un tu mangess kek wawar debles an!