Josua 24:2 - O Debleskro Drom 2021 (Sinte)

² Un o Josua penas ap i tsele menshende: “Kawa penell o baro Dewel, kai o Israeleskro Dewel hi: Glan rah tsiro djiwan tumare phure ap i wawar rig ko lengsto panjestar Eufrat un mangan wawar deblen an. Jek lendar his o Terach, koleskre tchawe o Abraham un o Nahor his.

O Debleskro Lab 2024 (Sinte-Manouche)

² Oun o Yosua penas ap i tsele menshende: “Kava penell o baro Devel, kay o Israeleskro Devel hi: Glan rah tsiro djivan t'mare phoure ap i vavar rig ko lengsto panyestar Eufrat oun mangan vavar deblen an. Yek lendar his o Tera, koleskre čave o Abraham oun o Nahor his.

Josua 24:2 Referans Kwoze

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

1. Mose 31:30

Me djinau, tiro dji hi pash tire menshende. Doleske djal tuke. Pen mange, hoske tchoral mire deblen, kolen me an-mangau?”

Ezekiel 16:3

Pen lenge: Kawa penell o baro Dewel, maro rai: O them Kanaan hi o them, dran koleste tire phure wan, un kai tu boldo wal. Tiro dad his i Amorari, tiri dai i menshendar Het.

Jesaja 51:2

ap o Abraham, tumaro phuro dad un ap i Sara, tumari phuri dai! Len his kek tchawe, har dom o Abrahames gole. Un me tchiwom miri bacht un soor ap lende un dom len bud tchawen.

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.

1. Mose 35:4

Un jon dan o Jakobeste pengre tsele deblen dran barra un kashta, hoi jon an-mangan, un i tsele kanengre, hoi an lengre kanda his. Un o Jakob paskras len tel o baro ruk pash o foro Sichem.

1. Mose 31:53

Ko Dewel, kai hi o Abrahameskro Dewel un o Nahoreskro Dewel, kowa mu dell koles i phagi, kai rikrell pes gar ap kowa.” Jaake das pes o Jakob sowel ap ko Debleste, kai leskro dad Isaak daras lestar.

1. Mose 31:32

Tire deblen lom me gar. Pash koneste tu len hatseh, kowa hunte merella! Glan mare menshende nai rodeh pash mande! Te hatseh tchomone, hoi tiro hi, le kowa!” O Jakob djinas gar, kai i Rachel tchoras kol deblen.

1. Mose 31:19

Glan lengro naashepen, har his o Laban win, te tchinell lo o bal peskre bakrendar, tchoras i Rachel i khereskre deblen, hoi lakro dad an-mangell. Un joi las len peha.

1. Mose 11:26

Har o Terach 70 (efta-deesh) bersha phuro his, was job dad. Leskre tchawe his o Abram, o Nahor, un o Haran.

Louka 3:34

o Jakob, o Isaak, o Abraham, o Terach, o Nahor,

1. Mose 11:24

Har o Nahor 29 (biish-te-enja) bersha phuro his, was lestar o Terach boldo.

1. Mose 11:27

Kowa hi ko liil, kai tchinlo hi i laba kol menshendar, kai wan pal o Terach. O Terach: Leskre tchawe his o Abram, o Nahor un o Haran. O Haran las i tchawo, o Lot.

1. Mose 11:22

Har o Serug 30 (trijanda) bersha phuro his, was lestar o Nahor boldo.

1. Familjakro liil 1:27

lestar was o Abram, kowa hi o Abraham.