Josua 24:14 - O Debleskro Drom 2021 (Sinte)

¹⁴ Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!

O Debleskro Lab 2024 (Sinte-Manouche)

¹⁴ Oun o Yosua penas doureder: “Pash halauter, hoy krenn, rikrenn t'menge o baro Debles glan i yaka! Mangenn les an i djoudjo oun čačo djiyeha! Čivenn i rhorhene deblen krik, kolen t'mare phoure an-mangan, har his le ap i vavar rig o panyestar Eufrat oun an o them Egiptia. Mangenn kokres o baro Debles an!

Josua 24:14 Referans Kwoze

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.

5. Mose 10:12

Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

1. Mose 35:2

Koi penas o Jakob ap peskri familja un ap lauterende, kai pash leste his: “Tchiwenn tumendar krik kol deblen dran barra un kashta, hoi tumer an-mangenna! Thowenn tumen un riwenn tumen djudje ripja an!

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Josua 24:23

Koi penas o Josua: “Jaake tchiwenn kanna kol chochene deblen krik, hoi mank tumende hi. Un rissrenn tumare djia pash o baro Debleste, kai o Israeleskro Dewel hi.”

Debleskri gili 119:1

Har bachtelo hi kolla, kai jaake djiwenna, te hunte tchingrell o Dewel gar lentsa, kolla, kai ap o baro Debleskro drom djana.

Ezekiel 20:18

Un me penom lengre tchawenge an o mulo tato them: Ma rikrenn tumen ap kol laba, pal kolende tumare phure djiwan! Ma djiwenn pal lengre tchatchepangre laba! Rikrenn tumen pale lengre chochene deblendar, te wenn tumer gar pale-tchiddo!

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Esra 9:11

kai tu kolenge penal, kai tire budepangre, tire rakepangre his, te penenn le kowa menge dureder. Tu penal menge: ‘Ko them, kai tumer koi wenna, te lenn les tumenge, hi i pale-tchiddo them. I menshe, kai kote djiwenn, kran les pale-tchiddo ko tselo djungelo koweha, hoi le kran, har mangan le wawar deblen an. Lengre mule debla hi an o tselo them jek rigjatar bis ap i wawar.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

Josua 24:2

Un o Josua penas ap i tsele menshende: “Kawa penell o baro Dewel, kai o Israeleskro Dewel hi: Glan rah tsiro djiwan tumare phure ap i wawar rig ko lengsto panjestar Eufrat un mangan wawar deblen an. Jek lendar his o Terach, koleskre tchawe o Abraham un o Nahor his.

5. Mose 18:13

Pash tumende hunte well sawo koowa gar hatslo. Tumer han o baro Debleskre menshe.

3. Mose 17:7

I Israelitarja hunte marenn buder kek viechen i bengenge, kolenge jon kanna gomme palla nashenn. Ap kowa hunte rikrenn le pen, ninna lengre tchawenge un kolengre tchawenge un jaake dureder hako tsireske.

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Ezekiel 23:3

Kolla wan lubja an o them Egiptia, har le terne his. Kote mukan le pengre tchutchja an te taprell.

Filiparja 1:10

Jaake nai dikenn, hoi mishto un tchatcho hi. Un ap ko diwes, kai well o Jesus Kristo pale, han tumer an o tchatchepen glan leste tardo, un kek doosh hi ap tumende.

Efesarja 6:24

O Debleskro latchepen well pral lauterende, kai kamenn maro rajes, o Jesus Kristes, o tselo djijeha! Job dell len o djipen, hoi gar pre-herella!

Debleskri gili 130:4

Tu hal kowa, kai i doosh krik lella. Doleske dikah pre ap tute un shunah ap tute.

Debleskri gili 119:80

Muk miro dji ap tiro drom te atchell, te krap, hoi mandar kameh, jaake te hunte ladjap man gar.

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”

1. Samuel 12:14

Har kamoms, te sharenn tumer o baro Deblestar, kai tumaro Dewel hi, un mangenn les kokres an, un shunenn ap leste un krenn, hoi job tumenge penella! Har kamoms, te djan tumer un tumaro baro rai, kai pral tumende hi, o Debleskro drom!

5. Mose 6:13

Tu mangess o baro Debles an, un rikress les glan tire jaka pash halauter, hoi kreh. Te deh tut sowel, dess tiri sowel pash leskro lab.

Debleskri gili 81:10

Pash tumende hunte well kek wawar dewel, un tu mangess kek wawar debles an!

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!