Josua 23:10 - O Debleskro Drom 2021 (Sinte)

¹⁰ Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

O Debleskro Lab 2024 (Sinte-Manouche)

¹⁰ Yek morsh t'mendar tradell yek-sero morshen. T'maro baro Devel, yob hi kova, kay kourell pes t'menge lentsa, yaake har lo penas.

Josua 23:10 Referans Kwoze

5. Mose 32:30

Har nai las jek lurdo i sero (1.000) Israelitarjen palla? Har nai tradan dui lurde deesh-serja (10.000) Israelitarjen jaake, te nashan le penge i darjatar? Kowa was, har o baro Dewel, lengro rikepaskro, len an kolengre wasta das.

3. Mose 26:8

Pantch tumendar lenn i sheel lurdenge palla, un i sheel tumendar nashenn 10.000 (deesh-serja) lurdenge palla, te denn le len mulo. Kolla, kai kamenn tumen te marell, wenn tumendar o chareha mulo dino.

5. Mose 3:22

Ma dare lendar! Tumaro baro Dewel hi kowa, kai kurell pes tumenge.”

2. Mose 14:14

O baro Dewel kurell pes tumenge. Tumer hunte krenn tchi.”

Debleskri gili 35:1

I gili o Davidestar. Baro Dewel, le miro koowa an tiro wast un tchinge kolentsa, kai mantsa tchingrenna! Kure tut kolentsa, kai kurenn pen mantsa!

5. Mose 20:4

Tumaro baro Dewel hi kowa, kai djal tumentsa un kurell pes tumenge lentsa. Job hi ap tumari rig.”

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Josua 23:3

Un tumer dikan halauter, hoi tumaro baro Dewel kol tsele thementsa kras tumenge. Job hi kowa, kai pes tumenge lentsa kuras.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.

Čačepangre 15:15

Un job hatsas i mujeskro kokalo i muli eslatar, las les an o wast un das leha 1.000 (jek sero) murshen mulo.

2. Samuel 23:8

Kalla hi kol laba o Davideskre sorele murshendar: o Jishbaal kol menshendar Hachmoni, ko pralstuno kol trinendar. Kowa das peskro chareha 800 (ochta-sheel) lurden ap jek kopo mulo.

Čačepangre 3:31

Un pal leste was o Shamgar o tchatchepaskro mursh. Koleskro dad his o Anat. Un o Shamgar das 600 (shob-sheel) Filistarjen mulo sawo kashteha, koleha jek i grumjen tradell. Un ninna job las i Israelitarjen win dran o wast kolendar, kai lenge o djipen phares kran.

5. Mose 20:3

“Murshale dran Israel, shunenn! Tumer djan kau diwes an o kurepen, te kurenn tumen kolentsa, kai kamenn tumen gar an o them. Awenn sorelo! Ma darenn lendar! Un ma mukenn tumen traash te krell!

5. Mose 28:7

O baro Dewel dell kolen, kai hadenn pen pral tumende, te kurenn le pen tumentsa. Ap jek drom wenn le, te djan le ap tumende, un ap hake rigja hunte nashenn le penge tumendar.

5. Mose 32:20

Un job penas peske: Me rikrau man pale lendar, kamau te dikell, har lentsa dureder djal, kolentsa, kai pal pengro shero djan, un tchi buder mandar kamenn te djinell.

Josua 23:11

Doleske denn jak koi pre, – djal tumaro djipaske – te kamenn tumaro baro Debles o tselo djijestar!

1. Familjakro liil 5:22

Ninna atchan bud maredes tchiddo. Kau kurepen was o Deblestar. Un i Israelitarja djiwan an lengro them ap lengri phub bis te wan le pandles krik anlo.

Jesaja 30:17

I sero mursha tumendar nashenn penge glan jekeste, kai peskro mui pre krell un penell ‘Kanna lenn tumare dawa.’ Awa, glan pantch sawendar nashenn tumer lauter krik. Tumare tsele lurdendar atchell tchi pral har koi plachta ap i kasht, hoi pre tardo tchiwan pral ap i berga, te dikenn le lat fun dural.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

3. Mose 26:7

Tumer lenn kolenge palla, kai kamenn pen tumentsa te kurell, un tumer denn len o chareha mulo.

1. Familjakro liil 5:20

Un i lurde dran i khera Ruben un Gad un Manasse dikan ap o baro Debleste un dan gole ap leste, te well lo lenge ap i rig. Un job shunas ap lende, un das i Hagararja an lengre wasta un lauteren, kai pash lende his.