Josua 22:6 - O Debleskro Drom 2021 (Sinte)

⁶ Un o Josua rakras o Debleskri bacht pral lende win, un penas: “Atchenn o Debleha.” Un jon djan khere.

O Debleskro Lab 2024 (Sinte-Manouche)

⁶ Oun o Yosua rakras o Debleskri barht pral lende vin, oun penas: “Ačenn o Debleha.” Oun yon djan khere.

Josua 22:6 Referans Kwoze

Josua 14:13

Kote rakras o Josua o Debleskri bacht pral o Kaleb win, koleskro dad o Jefunne his, un das les o foro Hebron, te well lo leskro.

Louka 24:50

Un job djas pash o gab Betani peskre malentsa. Koi hadas lo peskre wasta un penas: “O Dewel atchell tumentsa!”

2. Samuel 6:18

Un pal kowa rakras lo pral i menshende i bacht o baro Deblestar win, kai o rai pral o bolepen un i phub hi.

2. Mose 39:43

Un o Mose dikas kowa lauter un haiwas, jon kran lauter jaake har o baro Dewel penas. Un job rakras o Debleskri bacht pral lende win.

1. Mose 47:7

O Josef anas peskro dades, o Jakobes, glan o baro rajeste. Un o Jakob penas ap leste: “Latcho diwes! Mu dell tut o Dewel peskri soor un bacht!”

Louka 2:34

Un o Simeon rakras o Debleskri bacht pral lende win un penas ap i Mariate: “Pral kau tchaweste choirenn pen bud menshe an o them Israel. Ap leste sikrell pes, koon djal ap o Debleskro drom, un koon perell o Debleskro dromestar tele.

2. Familjakro liil 30:18

Bud kol menshendar dran i khera Efrajim, Manasse, Issachar un Sebulon, kran pen gar djudjo un chan ko chapen ‘Passa’ gar jaake, har glan-tchinlo his. Doleske mangas o Hiskija o baro Debles lenge un penas: “Tu, baro Dewel, ko Dewel mare phurendar, hal latches menge, me mangau tut, ab kamles halauterenge, kai rodenn tut o tselo djijeha, tut, o baro Debles, ninna te kran le pen gar jaake djudjo tuke, har hunte krans le!”

2. Samuel 6:20

Un o David was khere, te penell lo peskre menshenge ‘latcho diwes’ un te putchell lo lendar, har lenge djala. Un i Michal, o Sauleskri tchai, djas win pash leste, un penas: “Hawo railepen his ko baro rajes pral Israel kai diwes, har riwas job pes win glan kol djuwjende, kai leskre pralstunenge budrenn, jaake har pen kol wi-ladjede menshe wi-riwenna!”

1. Samuel 2:20

Un o Eli rakras bacht pral o Elkana un leskri romni win, un penas: “O baro Dewel dell tut wawar tchawe kai romjatar ko tchaweske o Samuel, koles joi peske o baro Deblestar mangas.” Un jon djan penge pale khere.

1. Mose 47:10

Un o Jakob penas ap o baro rajeste: “Atch mo Debleha!” un djas lestar.

1. Mose 14:19

Un job sharas o Abrames un penas: “Tu, Abram, ap tute hi tchiddo i soor un i bacht ko Deblestar, kai hi o Dewel pral halauter un kras o bolepen un i phub.

Josua 24:28

Un o Josua mukas i tsele menshen khere te djal, hakenes an ko them, hoi les dino was.

1. Samuel 10:25

Un o Samuel penas i menshenge, hawo tchatchepen o baro rajes hi. Un kowa tchinas lo an i liil, un tchiwas les glan o baro Debleste. Palle bitchras lo hakenes khere.

1. Samuel 13:2

Un o Saul rodas peske 3.000 (triin-serja) murshen win. 2.000 (dui-serja) lendar his pash leste an o foro Michmas un ap i berge pash Betel. Un 1.000 (jek sero) mursha his peskro tchaweha, o Jonatan, pash o foro Gibea an o them Benjamin. Kol tsele wawar bitchras lo khere.

2. Samuel 6:19

Un job das hako menshes, kai kote hi, murshen un djuwjen, hakenes, jek maro, jek kotar mass un jek drakengri merkli. Koi pal djan i tsele menshe khere, hakeno an peskro kheer.

1. Rajengro liil 8:66

Un o wawar diwes mukas o Salomo i menshen khere te djal. Un jon parkran pen pash leste un djan bachteles khere. Lengro dji giwas pral ko tselo latchepen, hoi kras o baro Dewel ap leskro budepaskro, o Davideste, un ap peskre menshende Israel.