Josua 2:16 - O Debleskro Drom 2021 (Sinte)

¹⁶ Un joi penas ap lende: “Djan an i berge, te nai hatsenn tumen kolla gar, kai tumen palla lenn. Un khatrenn tumen kote triin diwessa. Palle hi kolla, hoi tumen palla lan, pale khere. Un tumer djan tumaro drom.”

O Debleskro Lab 2024 (Sinte-Manouche)

¹⁶ Oun yoy penas ap lende: “Djan an i berge, te nay hatsenn t'men kolla gar, kay t'men palla lenn. Oun khatrenn t'men kote triin divessa. Palle hi kolla, hoy t'men palla lan, pale khere. Oun t'mer djan t'maro drom.”

Josua 2:16 Referans Kwoze

Jakobo 2:25

Ninna koi lubni Rahab was tchatcho un erligo glan o Debleste, har joi ko latcho koowa kras. Joi phukras gar ap kol dui bitchepangre dran Israel, kai wan an lakro foro, te dikenn le, har sorelo o foro hi. Joi khatras len, un anas len ap i wawar drom dran ko foro win.

1. Samuel 23:14

Un o David atchas an o mulo them, un khatras pes an i berge pash o foro Sif. Un o Saul rodas les o tselo tsiro. Un o Dewel das o Davides gar an leskro wast.

Debleskri gili 11:1

I gili o rajeske pral i gipangre. O David kras kai gili. Me tchiwau miro tselo patsepen ap o baro Debleste. Har nai penenn tumer palle ap mande: “Naash har i tchirklo an i berge!

Josua 2:22

Un jon djan penge, un wan an i berge un atchan kote triin diwessa, bis te his kolla, kai len palla lan, pale pale. Un kolla, kai len palla lan, rodan len ap i tsele dromma, un hatsan len gar.

Josua 2:15

Kote mukas li len ap jek shello dran i wali tele. Lakro kheer his kerdo an i pre-tchidde barra, hoi djan trul o foro.