Josua 2:10 - O Debleskro Drom 2021 (Sinte)

¹⁰ Mer shunam, har kras o baro Dewel tumenge i drom an o baro pani, hoi kharella ‘Baro Lolo Pani’, har djan dran o them Egiptia win. Shunam ninna, hoi kran tumer kol dui bare rajentsa pral i Amorarja, o Sihon un o Og, hoi ap i wawar rig o panjestar Jordan his. Tumer maran len un kran halauter paash, hoi lenge his.

O Debleskro Lab 2024 (Sinte-Manouche)

¹⁰ Mer shounam, har kras o baro Devel t'menge i drom an o baro pani, hoy kharella Baro Lolo Pani, har djan dran o them Egiptia vin. Shounam ninna, hoy kran t'mer kol douy bare rayentsa pral i Amorarya, o Sihon oun o Og, hoy ap i vavar rig o panyestar Yordan his. T'mer maran len oun kran halauter paash, hoy lenge his.

Josua 2:10 Referans Kwoze

5. Mose 2:30

O Sihon, ko baro rai an Heshbon, kamas men gar wergel leskro themestar te djal. Tumaro baro Dewel mukas leskro dji har bar te well, jaake te dikas lo tchi dren. Jaake das o baro Dewel les un leskro them an tumare wasta. Un kowa his gomme kau diwes jaake.

4. Mose 23:22

O Dewel las len dran o them Egiptia win, un kurell pes lenge har i diwjo gurum.

Josua 4:24

Un kowa kras lo doleske, te dikenn i tsele natsjone ap kai phub, har sorelo o baro Dewel hi. Un tumer hunte rikrenn tumenge hako tsiro tumaro baro Debles glan i jaka.’”

4. Mose 20:14

Har hi le an o foro Kadesh, bitchras o Mose jekes pash o baro rajeste pral kol Edomarja, un mukas leske te penell: “Kowa mukell tuke tiro phraal Israel te penell: Tu djineh, hawo pharo tsiro ap mende was,

4. Mose 24:8

O baro Dewel anas len win dran o them Egiptia, un kurell pes lenge har i diwjo gurum. Jon chan kol menshen, kai len palla lenna, un denn lengre kokale paash, un denn len mulo karje.

Josua 5:1

Un i tsele bare raja pral i Amorarja, kai ap koi rig o panjestar Jordan djiwan, kai o kham tele djal, ninna i tsele bare raja pral i Kanaanitarja, kai pash o Baro Pani djiwan, kolla halauter shunan, har las o baro Dewel o pani dran o Jordan krik glan i Israelitarja, bis te jon halauter ap i wawar rig his. Un har jon kowa shunan, was bari traash ap lende, un an kekeste atchas i soor te djal lo pre ap i Israelitarja.

Debleskri gili 74:15

Tu mukal pani te nashell, kai kek his. Un kote, kai sorele panja nashan, hi le kanna buder gar koi.

Josua 9:10

un ninna halauter, hoi job kol dui bare rajentsa pral i Amorarja kras, kai ap i wawar rig o panjestar Jordan djiwan, ko rajeha Sihon, ko baro rajeha pral o foro Heshbon, un ko rajeha Og, ko baro rajeha pral o them Bashan, koon an o foro Astarot djiwas.

Josua 24:12

Me krom, te lan le bari traash tumendar. Jaake tradom len glan tumende win, har tradom glan kowa ninna kol dui rajen pral i Amorarjen glan tumende win. Tumare chare un boge kran kowa gar.