Josua 19:22 - O Debleskro Drom 2021 (Sinte)

²² Un o them Issachar djas bis pash i berga Tabor un pash kol forja Shahazajim un Bet-Shemesh un dureder bis pash o pani Jordan. Khetne his an kau them 16 (deesh-te-shob) forja un lengre gaba.

O Debleskro Lab 2024 (Sinte-Manouche)

²² Oun o them Issakar djas bis pash i berga Tabor oun pash kol forya Shassayim oun Bet-Shemesh oun doureder bis pash o pani Yordan. Khetne his an kava them 16 (deesh-te-shob) forya oun lengre gaba.

Josua 19:22 Referans Kwoze

Čačepangre 4:6

Was i diwes, kai mukas li i murshes dran o kheer Naftali pash peste te kharell. Leskro lab his Barak. Koleskro dad his o Abinoam dran o foro Kedesh. Un joi penas ap leste: “O baro Dewel, kai o Dewel pral o Israel hi, job penell tuke: ‘Le tuke deesh-serja mursha dran i khera Naftali un Sebulon un dja lentsa ap i berga Tabor!

Jeremia 46:18

Me dau man sowel pash miro djipen, penell o baro rai, koleskro lab hi ‘o baro Dewel, o rai pral o bolepen un i phub’: I baro rai wella, kai hi bareder har i tsele wawar, jaake har i berga Tabor bareder hi har i berga trul late, un har i berga Karmel hadell pes pash o baro pani.

Debleskri gili 89:12

O bolepen, tiro hi lo, un i phub, tiri hi li, un tu kral lauter, hoi dren hi.

1. Rajengro liil 4:9

O Ben-Deker his o pralstuno pral kal forja: Makaz, Shaalbim, Bet-Shemesh, Elon un Bet-Hanan.

Josua 21:16

Ajin un koi phub trul o foro, kai i vieche nai chan; Jutta un koi phub trul o foro, kai i vieche nai chan; Bet-Shemesh un koi phub trul o foro, kai i vieche nai chan. Kolla his enja forja, hoi i menshe dran kol dui khera Juda un Simeon lenge dan.

Josua 19:38

Jiron, Migdal-El, Horem, Bet-Anat un Bet-Shemesh. Kolla his khetne 19 (deesh-te-enja) forja un lengre gaba.

Josua 19:12

Kote, kai o kham pre-djal, djas ko them fun o foro Sarid bis pash ko kotar them pash o foro Kislot-Tabor, un dureder bis pash o foro Daberat, un fun kotar pral pash o foro Jafia,

Josua 19:21

Remet, En-Gannim, En-Hadda un Bet-Pazez.

Josua 19:23

Kawa his o them un i forja un lengre gaba, hoi lan i familje dran o kheer Issachar.

Čačepangre 4:12

Koi was ap o Sisera penlo, te djas o Barak, koleskro dad o Abinoam hi, ap i berga Tabor pre.

1. Familjakro liil 6:62

Kolla, kai atchan pral i menshendar dran o kheer Merari lan kol forja khetne i phub trujel i viechenge: an o them Sebulon: Rimmon un Tabor;