Josua 18:12 - O Debleskro Drom 2021 (Sinte)

¹² Un i nordetikri rig fun o Benjamineskro them djas fun o pani Jordan dureder pre ap i berge, hoi ap i nordetikri rig o forestar Jericho hi, un dureder pre – kote kai o kham tele djal – an o pralstuno them, jaake dur bis pash o mulo them Bet-Awen.

O Debleskro Lab 2024 (Sinte-Manouche)

¹² Oun i nordetikri rig foun o Benyamineskro them djas foun o pani Yordan doureder pre ap i berge, hoy ap i nordetikri rig o forestar Yericho hi, oun doureder pre – kote kay o kham tele djal – an o pralstouno them, yaake dour bis pash o moulo them Bet-Aven.

Josua 18:12 Referans Kwoze

Josua 16:1

Un o khereske Josef peran i barra jaake, te las lo ko them, hoi djas fun o pani Jordan – fun kotar, kai o foro Jericho tchiddo hi – bis pash o foro Betel. Ko drom, hoi sikras, har dur o them djal, djas fun koi rig o forestar Jericho, kai o kham pre djal un kai kol tikne panja hi, dureder an o mulo them, un dureder bis an kol berge, kai o foro Betel tchiddo his.

Josua 7:2

Un o Josua bitchras murshen dran o foro Jericho, te djan le pash ko foro Ai. Kau foro hi tchiddo pash Bet-Awen un gar dur o forestar Betel, ap leskri rig, kai o kham pre djal. Un job penas ap lende: “Djan pre un dikenn tumen an o them tchorchanes trujel!” Un kol mursha kran kowa,

Hosea 10:5

I menshe an o foro Samaria darenn, te well ko sonakaskro terno gurum krik lino, hoi hi tardo an o foro Bet-Awen. Jon rowenna har pal jekeske, kai meras. Leskre rashaja trissenna trul leskro shukapen, te well lo lestar krik lino.

Hosea 5:8

Phurdenn an i phurdepaskri an i forja Gibea un Rama! Denn i kurepaskri gole an o foro Bet-Awen! Tumer kurepangre dran o kheer Benjamin, nashenn glan, mer nashah tumenge palla!

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Josua 6:1

Un o foro Jericho rikras peskre bare wudja pandlo, te nai wenn i Israelitarja gar dren. Kek nai djas win, un kek nai djas dren.

Josua 3:16

atchas o pani, hoi pralstunes lendar his, tardo har i kheer dur pral pash o foro Adam, hoi pash Zaretan tchiddo hi. Un ko pani, hoi telstunes lendar his un tele an o Londo Baro Pani nashell, kowa nashas buder gar pal un djas krik. Un jaake nai djan i tsele menshe ap i wawar rig, pash ko foro Jericho.

Josua 2:1

Un har jon ap i platsa Shittim his, bitchras o Josua, koleskro dad o Nun hi, tchorchanes dui murshen win un penas ap lende: “Djan un dikenn, har sorelo o them hi, ninna o foro Jericho!” Koi djan le un wan an i kheer, kai i lubni djiwas. Koja kharas Rahab. Un jon djan dren, te atchenn le kote pral i rat.

Josua 8:15

Un o Josua un i tsele Israelitarja kran, har te wans le lendar dino, un nashan ap ko drom, hoi an o mulo tato them djal.

Josua 18:11

Un i barra peran o Benjamineske un leskre familjenge. Un jon lan o them mashkral o them Juda un o them, hoi o Josefeskre tchawe lan.

1. Samuel 13:5

Ninna i Filistarja wan khetne, te djan le an o kurepen i Israelentsa: 3.000 (trijanda-serja) wurdja, un 6.000 (shob-serja) murshentsa koi pre, ninna bud lurde, kai nashenn, jaake bud har i santa pash o baro pani hi. Kolentsa djan le pre un tchiwan pen pash o foro Michmas tardo ap koi rig o forestar Bet-Awen, kai o kham pre djal!