Josua 13:25 - O Debleskro Drom 2021 (Sinte)

²⁵ Ko foro Jaser un i tsele forja an o them Gilead un o paash them Ammon bis pash o foro Aroer, hoi ap koi rig o forestar Rabba tchiddo hi, kai o kham pre djal.

O Debleskro Lab 2024 (Sinte-Manouche)

²⁵ Ko foro Yaser oun i tsele forya an o them Gilead oun o paash them Ammon bis pash o foro Aroer, hoy ap koy rig o forestar Rabba čiddo hi, kay o kham pre djal.

Josua 13:25 Referans Kwoze

2. Samuel 12:26

Jaake kuras pes o Joab un leskre lurde ko foreha Rabba, ko baro foreha kol Ammonendar, un las ko foro dren, kai lengro baro rai djiwell.

2. Samuel 11:1

Un ko bersh djas trujel. Un an ko tsiro, kai kol bare raja an o kurepen djan, bitchras o David o Joabes un leskre lurden leha an o kurepen. Ninna i tsele Israelengre lurde djan lentsa. Un jon kuran pen i Ammonentsa, kran lengro them paash un tchiwan pen trul o foro Rabba. O David atchas an Jerusalem.

5. Mose 3:11

Kokres o Og, ko baro rai pral Bashan, atchas djido kol bare menshendar, kai ‘riese’ kharedo wan. Har meras lo, was lo paskedo an i barrengro mochton. Kowa hi jaake star metarja baro un dui metarja buchlo, un hi tardo an o foro Rabba an o them Ammon.

4. Mose 32:35

Atrot-Shofan, Jaser, Jogboha

Amos 1:14

Me bitchrau i jag ap i foreskre massurja o forestar Rabba, hoi chatchrell leskre sorele khera tele, ap ko diwes, kai well o kurepaskri gole dino, un o kurepen win phagell har i baro phurdepen.

Ezekiel 21:20

te taprell i menshen bari daar, un bud merenn. Pash hake foreskre wudja wenn menshe maredo o chareha. Djudjo har i blendari hi ko charo. O marepaske hi lo kerdo.

Josua 21:39

Heshbon un koi phub trul o foro, kai i vieche nai chan; Jaser un koi phub trul o foro, kai i vieche nai chan.

5. Mose 2:19

Un tu weh pash o them, kai i Ammonarja djiwenn, kol menshe, kai wenna pal o Lot. Kolenge kress kek tchilatchepen! Un muk tut ap kek tchingepen lentsa dren. Me dau tut kek kotar lengro themestar, hoi dom lende.”

4. Mose 21:32

Un o Mose bitchras murshen win pash o foro Jaser, te hatsenn le win, har sorelo ko foro hi. Un i Israelitarja lan ko fores penge dren, ninna kol gaba, hoi koi pashel hi. Un jon tradan kol Amorarja krik, kai koi dren his.

Josua 13:11

o them Gilead; un ko them, kai djiwenn i Geshurarja un i Maachatarja; un i tsele berge, hoi kharenn Hermon; un ko tselo them Bashan bis pash o foro Salka;

Josua 13:24

Un o Mose das i familjen dran o kheer Gad lengro kotar them:

Josua 13:26

Lengro them his ko kotar them, hoi gomme pral atchas ko themestar, pral koleste o Sihon o rai his – kowa kai djiwas an o foro Heshbon. Kau them djas fun o foro Heshbon bis pash i forja Ramat-Mizpe un Betonim, un fun o foro Mahanajim bis pash o them Debir. Koi pashel hi koi tala ap koi rig o panjestar Jordan, kai o kham pre djal, bis pash o pani Kinneret. Kote his kol forja tchiddo: Bet-Haram, un Bet-Nimra, un Sukkot un Zafon.

2. Samuel 24:5

Un jon djan wergel o pani Jordan un wan pash o foro Aroer un pash ko foro, hoi mashkral an i panjeskri tala tchiddo hi an o them Gad. Un kotar djan le pash o foro Jaser,

1. Familjakro liil 26:31

O pralstuno pral o kheer Hebron peskre tsele familjentsa his o Jerija. Har his o David an o star-deshto bersh o baro rai, rodan le an-dikle mursha mank lende un hatsan len an o foro Jaser an o them Gilead.

Jesaja 16:8

Ap ko hachetikri phub trul o foro Heshbon well buder kek latcho djob bares. Mulo hi kol drakengre ruka pash o foro Sibma. I themengre raja dan i feteder drakengre kashta tele, hoi djan bis pash o foro Jaser. Un ap jek rig djan i newe kashta bis an o mulo tato them, ap i wawar rig bis pash o Mulo Baro Pani.

Jeremia 48:32

Tumer menshe an o foro Sibma, rowau budeder pral tumende har rowom pral o foro Jaser. Tu hal har i drakengro ruk; tire lengste kashta djan pral o baro pani, un wan bis pash o foro Jaser. An ko tsiro, kai i drake un i wawar rukengre dren anlo wenn, wenn kolla pral lende, kai lauter paash krenna. Tchi atchell pral.

Čačepangre 5:17

Un i mursha dran o Gilead atchan ap i wawar rig o panjestar Jordan. Un o Dan? Hoi krell job? Pash peskre shiffe atchell job. Pash o baro pani djiwell o Asser. Un kote atchas lo ninna beshdo.

Jesaja 17:2

Kol forja an Syria hi muklo, un i vieche nai chan kote, un kek hi koi, kai len krik tradell.