Josua 11:1 - O Debleskro Drom 2021 (Sinte)

¹ Un har o baro rai pral o foro Hazor, o Jabin, kowa shunas, bitchras lo murshen pash bud bare rajende, te mangenn le lendar, te djan le leha an o kurepen: o Jobab, ko baro rai pral o foro Madon, o baro rai pral o foro Shimron, o baro rai pral o foro Achshaf,

O Debleskro Lab 2024 (Sinte-Manouche)

¹ Oun har o baro ray pral o foro Hazor, o Yabin, kova shounas, bičras lo morshen pash boud bare rayende, te mangenn le lendar, te djan le leha an o kourepen: o Yobab, ko baro ray pral o foro Madon, o baro ray pral o foro Shimron, o baro ray pral o foro Akshaf,

Josua 11:1 Referans Kwoze

Josua 11:10

Palle rissras o Josua trujel un las o foro Hazor dren. Un leskro rajes das lo o chareha mulo. O foro Hazor his an ko tsiro o bareder foro mank kol wawar forja an ko them.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Čačepangre 4:17

O Sisera nashas pash o plachteno kheer, kai djiwas i Jael. Kolakro rom his o Kenari Heber. Mashkral o baro rajeste pral o foro Hazor, o Jabin, un o Kenari Heber his kek kurepen. Jon his penge latches.

Josua 19:36

Adama, Rama, Hazor,

Josua 12:19

Madon, Hazor,

Josua 10:43

Un palle djas o Josua peskre tsele lurdentsa pale ap lengre platsa pash o foro Gilgal.

Čačepangre 5:19

Kote wan le, kol bare raja pral o them Kanaan! Jon wan un maran pen mentsa. Awa, an o foro Taanach pash o pani Megiddo maran le pen mentsa. Rup hidjras kek lendar khere.

1. Rajengro liil 4:11

O Ben-Abinadab his o pralstuno pral o bergetikro them Dor. Leskri romni kharas Tafat. Lakro dad his o Salomo.

1. Rajengro liil 9:15

Kowa hi o lab, hoi tchinlo hi pral i budi, hoi hunte kran i budepangre o baro rajeske Salomo. Lentsa kras job o baro Debleskro kheer un peskro kheer, un ko turmo Millo, un koi massuri trul Jerusalem, un kol forja Hazor un Megiddo un Geser.

Josua 9:2

Un jon wan halauter khetne, te djan le khetne an o kurepen khatar o Josua un o Israel.

Josua 12:20

Shimron-Meron, Achshaf.

2. Samuel 10:15

Har kol Syrarja dikan, kai jon i Israelendar dino his, lan le pengre tsele lurden khetne.

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.