Josua 10:25 - O Debleskro Drom 2021 (Sinte)

²⁵ Un o Josua penas ap i pralstunende: “Ma darenn kekestar un tchi! Awenn soreles un ma trashenn! Jaake har kate dikenn, krell o baro Dewel lauterentsa, kai kurenn pen tumentsa.”

O Debleskro Lab 2024 (Sinte-Manouche)

²⁵ Oun o Yosua penas ap i pralstunende: “Ma darenn kekestar oun či! Avenn zoreles oun ma trashenn! Yaake har kate dikenn, krell o baro Devel lauterentsa, kay kourenn pen t'mentsa.”

Josua 10:25 Referans Kwoze

2. Korintarja 1:10

Un job mukas men gar te merell, un krell kowa witar gar an ko tsiro, hoi glan mende hi. Awa, ap leste dikah, te lell lo men pale te pale win dran o merepen an ko tsiro, hoi gomme glan mende hi.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Efesarja 6:10

Ninna kamau tumenge te penell: Awenn soreles an o patsepen ap o rajeste, o Jesuseste! Les hi i bari soor tumenge.

Remarja 8:37

O Jesus Kristo, kai kamell men o tselo djijestar, job krell men soreles an lauter kowa hoi ap mende wella.

1. Samuel 17:37

Un pale penas o David: “O baro Dewel, kai las man win dran o leweskre mussja un dran o bereskre mussja, kowa lell man ninna win dran i wasta kau Filistarestar.” Un o Saul penas ap o David: “Dja koi, o baro Dewel djal tuha!”

5. Mose 7:19

Tumer dikan, har lo peskri bari soor sikras, un kras sau koowa, hoi kek wawar nai krell, un anas bud bibacht ap i Egiptarjen. Peskro sorelo wasteha un peskri pre-hadedi mussjah anas lo tumen win. Jaake krell tumaro baro Dewel i menshentsa an i tsele themma, kolendar tumer darenn.

Debleskri gili 77:11

Kote penom me: Kawa hi miro nasslepen, te kras pes o Dewel wawartchandes. I soor o pralstunestar well buder gar diklo.

Debleskri gili 63:9

Miro dji rikrell pes ap tute. Tiro tchatcho wast rikrell man.

Josua 10:8

Un o baro Dewel penas ap o Josua: “Ma traash lendar! An tiro wast dom me len. Kek mursh lendar nai atchell glan tute tardo.”

Josua 1:6

Ab soreles un ma traash! Tu dess kal menshen pengro them, kai me man sowel dom glan lengre phurende, te dap len kowa!