Josua 10:12 - O Debleskro Drom 2021 (Sinte)

¹² Ap ko diwes, kai o baro Dewel i Amorarjen an o Israeleskro wast das, rakras o Josua o baro Debleha un kharas win glan i Israelitarja: “Kham, atch tardo pral o foro Gibeon! Un tu, tchon atch tardo an i tala Ajalon!”

O Debleskro Lab 2024 (Sinte-Manouche)

¹² Ap ko dives, kay o baro Devel i Amoraryen an o Israeleskro vast das, rakras o Yosua o baro Debleha oun kharas vin glan i Israelitarya: “Kham, ač tardo pral o foro Gibeon! Oun tou, čon ač tardo an i tala Ayalon!”

Josua 10:12 Referans Kwoze

Habakuk 3:11

Un o tchon atchas tardo, har dal tire faile karje. Tiri sasterno witsepaskro tchuri was diklo har i jag.

Jesaja 38:8

Dik ap i khameskri kambana, hoi mukas o Ahas te krell. O baro Dewel mukell i kambana deesh kotja pale te djal.” Un jaake kras les o kham ninna, un i kambana djas deesh kotja pale pale.

Jesaja 60:20

Tiro kham djal gar buder tele, un tiro tchon atchell diklo. o baro Dewel well tuke i momeli hako tsireske. Un kol phare diwessa, an kolende tu rowal, hi palle trujel.

Jesaja 28:21

O baro Dewel stell pre, har kras lo pash i berga Perazim, un well chojedo har an i tala Gibeon, te krell lo lauter, hoi job peske glan las. Un kowa hoi job kanna krell, haiwenn tumer gar. Kowa well tumenge jaake glan, har te wals gar lestar.

Debleskri gili 19:4

Kek labentsa rakrenn le. Un lengri gole well gar shunlo.

Josua 10:13

Kote djas o kham gar dureder un o tchon atchas tardo, jaake rah bis te i Israelitarja kolen lauteren maran, kai kuran pen lentsa. Un kawa hi tchinlo an o liil ‘Jashar’. Un o kham atchas mashkral o bolepen tardo, un djas gar sik tele, un atchas jaake tardo jek tselo diwes.

Debleskri gili 148:3

Tumer, kham un tchon, sharenn les! Ninna tumer bolepangre momlia, sharenn les!

Hiob 9:7

Rakrell lo soreles ap o kham, djal o kham gar pre. Un i bolepangre momelentsa krell lo, te wenn le gar diklo.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

Zakarie 2:13

Denn garda! Me dau len trad miro wasteha, te wenn le tchoredo kolendar, kai hunte budran lenge.” Palle dikenn tumer, kai o baro Dewel, ko rai pral o bolepen un i phub, kowa hi, kai bitchras man.

Habakuk 2:20

O baro Dewel hi an peskro kheer, kai job djiwell. Ma rakrenn tchi glan leste, tumer menshe ap i tseli phub!

Debleskri gili 74:16

Tiro hi o diwes, un tiro hi i rat. Tu dal o kham un o tchon pengro drom, kai te djan le.

Josua 19:42

Shaalbim, Ajalon, Jitla,

5. Mose 17:3

un djal koi un mangell wawar deblen an, un witsrell pes tele glan o kham, o tchon un i bolepangre momlia, un krell jaake sawo koowa, kolestar me penom, te krenn kowa gar,

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

Čačepangre 12:12

Un har lo meras, was lo paskedo an o foro Ajalon an o them Sebulon.

Čačepangre 5:20

Ninna i bolepangre momlia djan an o kurepen. Ap lengre dromma djan le ap o Sisera pre.

1. Samuel 14:31

Un jon maran ko diwes i Filistarjen ap o tselo drom mank Michmas un Ajalon. Un i Israeleskre lurden his kek soor buder,

2. Samuel 2:12

O Abner, koleskro dad o Ner hi, kowa djas win dran o foro Mahanajim kol lurdentsa o Sauleskro tchawestar, o Ish-Boshet. Un jon djan an o foro Gibeon.

2. Rajengro liil 20:11

Kote das o Debleskro rakepaskro, o Jesaja, ap o baro Debleste gole. Un o baro Dewel mukas koi khameskri kambana deesh kotja pale te djal. Koja his i kambana, hoi mukas o Ahas te krell.

Jeremia 28:1

An kau emligo bersh an o pantchto tchon an o starto bersh, har o Zedekja o baro rai pral Juda his, rakras o rakepaskro, o Hananja, ap mande. Leskro dad his o Asur. O Hananja his i rakepaskro dran Gibeon, kai das glan, kai leskre laba o baro Deblestar wenna. Job rakras ap mande, har homs an o baro Debleskro kheer. Un i rashaja un kol wawar menshe, kai ninna koi his, shunan, har job mange penas:

Amos 2:9

Djinenn tumer gar, mire menshe, his tumenge, kai tradom i Amorarja glan tumende krik, kolen, kai his jaake baro un sorelo har ruka. Tchi atchas lendar pral.

Josua 21:24

Ajalon un koi phub trul o foro, kai i vieche nai chan; Gat-Rimmon un koi phub trul o foro, kai i vieche nai chan.

1. Samuel 12:18

Un o Samuel das ap o baro Debleste gole, un o baro Dewel bitchras brishin ko diwes, un mukas o bolepen gole te dell. Koi lan i tsele menshe bari daar glan o baro Debleste un glan o Samuel.

2. Rajengro liil 20:9

Un o Jesaja penas: “Kowa hi tuke ko sikepen o baro Deblestar, te djiness, kai o baro Dewel kowa rikrella, hoi lo penas: Kameh, te djal koi khameskri kambana deesh kotja glan oder deesh kotja pale?”

2. Rajengro liil 20:10

O Hiskija penas: “Hi gar jaake phares, te djal li deesh kotja glan. Kowa kamau me gar. Me kamau te djal li deesh kotja pale.”

1. Familjakro liil 8:13

O Berja un o Shema his i pralstune pral pengre familje, kai an o foro Ajalon djiwan. Jon tradan i menshen, kai djiwan an o foro Gat, dran o foro win.

2. Familjakro liil 11:10

Zora, Ajalon un Hebron. Kolla his i sorele forja an i themma Juda un Benjamin.