Josua 1:14 - O Debleskro Drom 2021 (Sinte)

^14-15 Tumare romja un tumare tchawe un tumare vieche atchenn an kau them, hoi o Mose tumen das, ap kai rig o panjestar Jordan. Tumer mursha, halauter kai han tchatche kurepangre, lenn tumare chare tumentsa, un djan glan tumare phralende ap i wawar rig! Jon hi tumare phrala. Doleske hunte wenn lenge ap i rig jaake rah, bis te dell o baro Dewel lende ninna o them, kai jon khere wenn, jaake har tumen. Palle djan tumer pale pale an tumaro them, hoi das tumen o baro Debleskro budepaskro, o Mose: ko them, hoi ap kai rig o panjestar Jordan hi, kai o kham pre djala.”

O Debleskro Lab 2024 (Sinte-Manouche)

^14-15 T'mare romya oun t'mare čave oun t'mare firhe ačenn an kava them, hoy o Mose t'men das, ap kay rig o panyestar Yordan. T'mer morsha, halauter kay han čače kourepangre, lenn t'mare rhare t'mentsa, oun djan glan t'mare phralende ap i vavar rig! Yon hi t'mare phrala. Doleske hounte venn lenge ap i rig yaake rah, bis te dell o baro Devel lende ninna o them, kay yon khere venn, yaake har t'men. Palle djan t'mer pale pale an t'maro them, hoy das t'men o baro Debleskro boudepaskro, o Mose: ko them, hoy ap kay rig o panyestar Yordan hi, kay o kham pre djala.”

Josua 1:14 Referans Kwoze

Debleskro tsiro 17:4

Un koi djuwel his rido an i kutch lolo ripen. Un ap late hi sonakai un kutch barra un mirklia. Un lat his i sonakaskro khoro an lakro wast, pherdo djungelo koowa un sawo koowa, hoi hi pale-tchiddo glan o Debleste. Kau koowa was dran lakro wi-ladjedo djipen.

5. Mose 20:8

Un i pralstune hunte putchenn i murshendar pale: Hi mank tumende jek, koles daar hi, un koleskro dji trissella? Kowa hunte djal pale an peskro kheer, te krell lo gar i djia peskre phralendar darenes.

2. Mose 13:18

Doleske mukas lo len i baro drom trul o Filistarengro them te djal. Ko drom anas len an o mulo tato them pash ko baro pani, hoi kharella ‘Baro Lolo Pani’. Un i Israelitarja djan penge dran o them Egiptia jaake har te djan le an o kurepen.

4. Mose 32:26

“Mare tchawe un djuwja, halauter hoi men hi, un mare tsele vieche atchenn an kol forja an o them Gilead.

5. Mose 3:19

Mukenn tumare djuwjen un tumare tchawen an tumare forja, hoi me dom tumen. Ninna tumare viechen mukenn kote. Djinau, tumen hi bud vieche.

Josua 1:13

“Ma bistrenn ko lab, hoi penas tumenge o Mose, koles o baro Debleskro tchatcho wast his. Job penas: O baro Dewel, kai tumaro Dewel hi, job kras, te wan khere un das tumen kau them.

5. Mose 33:21

Job rodas peske o feteder kotar them win. Har i pralstune pral Israel khetne wan, dan le leste ko kotar them, hoi i pralstuneske hi. Un khetne i pralstunentsa pral Israel kras job o tchatchepen jaake win, har o baro Dewel kowa kamas, te djiwenn i Israelitarja pal o baro Debleskre laba.

Josua 4:12

Un i mursha, kai dran o kheer Ruben un dran o kheer Gad his, un kol paash kolendar dran o kheer Manasse, kolla lan pengre chare pentsa, un djan glan i wawar Israelitarja, jaake har o Mose kowa glan i tsiro ap lende penas.