Jona 4:5 - O Debleskro Drom 2021 (Sinte)

⁵ Un o Jona djas win dran o foro ap koi rig, kai o kham pre djala, un kras peske i dacha dran patria, un beshas pes koi tel, te dell les o kham gar tchurje. Kote atchas lo, te dikell lo, hoi o foreha wella.

O Debleskro Lab 2024 (Sinte-Manouche)

⁵ Oun o Yona djas vin dran o foro ap koy rig, kay o kham pre djala, oun kras peske i dacha dran patria, oun beshas pes koy tel, te dell les o kham gar čourye. Kote ačas lo, te dikell lo, hoy o foreha vella.

Jona 4:5 Referans Kwoze

1. Rajengro liil 19:13

Har o Elija kowa shunas, tchiwas lo peskri plaashka glan peskro mui, djas i kotar glan un atchas tardo an i wudar an koi grotta. Un i rakepen was pash leste, hoi penas: “Hoi kameh tu kate, Elija?”

1. Rajengro liil 19:9

Kote djas lo an i grotta, un kamas pral i rati kate te sowell. Ap jek kopo shunas lo i rakepen. Un o baro Dewel putchas lestar: “Hoi kameh tu kate, Elija?”

Jesaja 57:17

Lengri doosh his, te lan le gar doha. Pral kowa wom chojedo, un koleske dom me len, khatrom man glan lende un choirom man. Un jon djan dureder ap pengro drom un wan gar pale pash mande.

Jona 1:5

Un i bari traash was ap kol tsele murshende, kai ap ko shiffo budran. Un jon dan i bari gole hakeno ap peskro debleste. Un jon witsran ko koowa, hoi ap ko shiffo tchiddo his, an o baro pani, te well ko shiffo buder gar jaake pharo. Un o Jona his tele an o shiffo, his koi tchiddo, un sowas soreles.

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Jona 4:4

Un o baro Dewel putchas: “Hawo tchatchepen hi tut, te choiress tut jaake?”

Jona 4:6

Un o baro Dewel, maro rai, mukas i bur bare patjentsa dran i phub bares te well kote, kai o Jona beshdo his, te dell les o kham gar tchurje, un te djal leske feteder. Un o Jona his bud bachtelo pral ko bur.