Jona 2:10 - O Debleskro Drom 2021 (Sinte)

¹⁰ Me kamau man pash tute te parkrell, un anau tuke viechen. Hoi man sowel dom, ko kamau te rikrell. Tu baro Dewel, tserdal man win dran o merepen!

O Debleskro Lab 2024 (Sinte-Manouche)

¹⁰ Me kamau man pash toute te parkrell, oun anau touke firhen. Hoy man sovel dom, ko kamau te rikrell. Tou baro Devel, tserdal man vin dran o merepen!

Jona 2:10 Referans Kwoze

Debleskri gili 33:9

Job te rakrell, palle well, hoi job penas, jaake har lo kowa penas, jaake hi kowa koi tardo.

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

1. Mose 1:3

Un o Dewel penas: “Mu well diwes!” Koi was diwes.

Debleskri gili 105:34

Job penas, te wenn stepangre, un stepangre wan, jaake bud, te nai penas kek, kitse jon hi.

Debleskri gili 105:31

Job penas, te wenn matsille, hoi tchurje denn, un bud matsille wan an o tselo them.

1. Mose 1:14

Un o Dewel penas, te wenn momlia an o bolepen, hoi sikrenna: Kanna hi diwes, un kanna hi rati. Kolla sikrenna ninna: Kanna well nijal, kanna well o wend. Kanna well i baro diwes, kanna i newo bersh.

1. Mose 1:11

Un o Dewel penas: “Mu well hako senlepen dran i phub win, an koleste hi tikno djob dren, jaake te well lestar pale newo senlepen. Mu wenna ninna ruka dran i phub win, kolendar hakeno peskre rukengre hidjrella. An kolende hi tikno djob, jaake te well lendar pale newe ruka baro.” Un jaake was kowa.

1. Mose 1:9

Un o Dewel penas, te well ko pani ap i phub khetne ap jek rig, te well o truk them diklo. Un jaake was kowa.

1. Mose 1:7

O Dewel kras o bolepen. Un pani his koi pral, un pani his koi tel ap i phub.

Jona 3:1

Un o baro Dewel rakras i duito kopo ap o Jona, un penas:

Debleskri gili 22:26

Tut kamau me te sharell, kote, kai bud khetne wenna. Glan kolende, kai tut an-mangenna, kamau me tuke te dell, hoi sowel dom.

Jesaja 38:20

O baro Dewel his kowa, kai las man win dran o merepen. Un mer kamah leske te bashrell ap i dorjengre bashepangre an o baro Debleskro kheer hako diwes jaake rah mer djiwah.

Jesaja 43:11

Me kokres hom o baro Dewel, un dell kek wawar har me, kai nai lell tumen win dran o merepen.

Hosea 13:4

Me o baro Dewel, hom tiro Dewel, fun ko tsiro, kai anom tut dran o them Egiptia win. Tu te prindjress kek wawar debles har man, Un kek wawar nai lell tut dran o merepen win har me kokres.

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.