Johanni 8:26 - O Debleskro Drom 2021 (Sinte)

²⁶ Me nai penoms tumenge bud koowa, kai dikom o tchilatchepen ap tumende. Me krau kowa gar. Me penau i menshenge, hoi shunom kolestar, kai bitchras man. Un hoi job penella, hi tchatcho.”

O Debleskro Lab 2024 (Sinte-Manouche)

²⁶ Me nay penoms t'menge boud koova, kay dikom o čilačepen ap t'mende. Me krau kova gar. Me penau i menshenge, hoy shounom kolestar, kay bičras man. Oun hoy yob penella, hi čačo.”

Johanni 8:26 Referans Kwoze

Johanni 15:15

Tumer han mange buder gar budepangre. I budepaskro djinell gar, hoi leskro rai krella. Tumenge penom halauter, hoi shunom miro dadestar. Doleske han tumer kanna mire mala.

Johanni 8:40

Kanna, kai me tumenge ko tchatchepen penom, kai shunom o Deblestar, kamenn tumer man te marell. Kowa kras o Abraham gar.

Johanni 17:8

Hoi tu mange penal, penom me lenge dureder. Un jon lan mire laba pre un haiwan, kai me tchatchepah tutar wom. Un jon patsan, kai tu man bitchral.

Johanni 7:28

O Jesus, kai an o Debleskro baro kheer i menshenge o Debleskro lab penas, shunas kowa, un das gole: “Har nai prindjrenn tumer man, un djinenna, kai wom? Me wom gar mandar kokres! Tchatchepah, koles, kai bitchras man, prindjrenn tumer gar!

2. Korintarja 1:18

O Dewel djinella: Kowa hoi mer penah, kowa krah ninna.

Johanni 16:12

Me kamoms tumenge jaake bud te penell. Tumer haiwenn nai kowa kanna gar.

Johanni 7:16

Penas o Jesus lenge: “Hoi me tumenge penau well gar mandar. Kowa well kolestar, kai bitchras man.

Johanni 3:11

Tchatchepah, me penau tuke: Mer rakrah pral kowa, hoi prindjrah. Hoi mer dikam, kowa penah mer nai ninna. Tumer patsenn gar, hoi mer tumenge penah.

Johanni 8:25

“Pen menge, koon tu hal!” penan jon ap leste. Penas o Jesus: “Me penom tumenge kowa jaake bud kope.

Johanni 8:27

Jon haiwan gar, kai o Jesus o Deblestar, peskro dadestar, rakras.

Johanni 18:20

O Jesus penas ap leste: “Me rakrom glan i tsele menshende jaake, kai hakeno kowa nai shunas. Hako tsiro rakrom an i biboldengri kangri un an o Debleskro baro kheer, kai i tsele bibolde khetne wan. Me penom tchi tchorchanes.