Johanni 8:21 - O Debleskro Drom 2021 (Sinte)

²¹ Pale penas o Jesus ap lende: “Me djau mange. Tumer rodenn man, un tumer merenn an tumaro tchilatchepen. Kote, kai me djaua, nai wenn tumer gar.”

O Debleskro Lab 2024 (Sinte-Manouche)

²¹ Pale penas o Yezous ap lende: “Me djau mange. T'mer rodenn man, oun t'mer merenn an t'maro čilačepen. Kote, kay me djaua, nay venn t'mer gar.”

Johanni 8:21 Referans Kwoze

Johanni 7:34

Tumer rodenn man, un hatsenn man gar. Kote, kai me palle hom, nai wenn tumer gar.”

Johanni 8:24

Doleske penom tumenge: Tumer merenn an tumaro tchilatchepen. Tumer te patsenn gar, kai me kowa hom, koon me hom, palle merenn tumer an tumaro tchilatchepen.”

Johanni 13:33

Tchowale, me hom gar buder rah pash tumende. Tumer rodenn man, un kowa, hoi me kol biboldenge penom, penau me kanna ninna tumenge: Kai me djau, nai djan tumer gar.

Efesarja 2:1

Har gar patslo hans, his bud doosh ap tumende. Un tumer hans tchilatcho. Jaake hans o Debleske mulo.

Johanni 12:35

Penas o Jesus ap lende: “Koi momeli hi gar buder rah pash tumende. Djan tumaro drom jaake rah, har koi momeli pash tumende hi, te well gar i rati pral tumende! Koon an i rati djala, djinell gar, kai job djala.

Johanni 12:33

Kowa penas job, te sikrell lo, har job merella.

Mateo 25:46

Un kol tchilatche len i phagi hako tsireske. I latche lenn o djipen, hoi gar pre-herella.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

Mateo 23:39

Un me penau tumenge: Tumer dikenn man jaake rah buder gar bis te was ko tsiro, kai tumer penenna: Sharedo well kowa, kai hi o Deblestar bitchedo!

Jesaja 65:20

Un kote dell buder kek ternepen, kai gar bud diwessa phuro well, un kek phuro, kai merell glan peskro tsiro. O terneder lendar well sheel bersh phuro. Un kowa, kai merell un his kek sheel bersh phuro, kolestar penenn le, te was pral leste i bibacht win rakedo.

Gosewe laba 14:32

O tchilatcho well tele witsedo dran leskro tchilatchepen. Kowa, kai an o tchatchepen tardo hi, koleskro patsepen rikrell les ninna gomme an o merepen.

Gosewe laba 11:7

Ap ko diwes, kai merell o tchilatcho, merell ninna kowa, kai lo peskro dji pre tchiwas. Kowa, hoi leske bud moldo his, hi tchitcheske.

Hiob 20:11

Ninna te hi lo gomme terno un sorelo, hunte merell lo, un well an i tchik tchiddo.

1. Rajengro liil 18:10

Me dau man sowel pash o baro Debleste, kai tiro Dewel hi: O Ahab rodas tut an hako them, pash i tsele bare rajende. Un te penan jon: ‘Job hi gar pash mende’, kamas lo, te denn le pen sowel, kai nai hatsan le tut gar.

Johanni 7:36

Har haiwas mer leskro rakepen: Tumer rodenn man, un hatsenn man gar un kote, kai me palle hom, koi nai wenn tumer gar?”