Johanni 8:19 - O Debleskro Drom 2021 (Sinte)

¹⁹ Putchan jon lestar: “Kai hi tiro dad?” Penas o Jesus: “Tumer prindjrenn man gar, witar gar miro dades. Te prindjrans tumer man, jaake prindjrans ninna miro dades.”

O Debleskro Lab 2024 (Sinte-Manouche)

¹⁹ Poučan yon lestar: “Kay hi tiro dad?” Penas o Yezous: “T'mer prindjrenn man gar, vitar gar miro dades. Te prindjrans t'mer man, yaake prindjrans ninna miro dades.”

Johanni 8:19 Referans Kwoze

Johanni 16:3

Jon prindjrenn o dades gar un man witar gar. Doleske krenn jon kowa.

1. Korintarja 15:34

Djan o tchatcho drom! Ma pijenn tumen mato! Djiwenn buder gar an o tchilatchepen! Mank tumende hi menshe, kai djinenn gar, koon o Dewel hi. Un kowa penau tumenge, te ladjenn tumen.

Johanni 7:28

O Jesus, kai an o Debleskro baro kheer i menshenge o Debleskro lab penas, shunas kowa, un das gole: “Har nai prindjrenn tumer man, un djinenna, kai wom? Me wom gar mandar kokres! Tchatchepah, koles, kai bitchras man, prindjrenn tumer gar!

Johanni 1:10

Kowa, kai hi o Lab, his ap i phub, un i phub was leha kerdo. Un i menshe ap i phub prindjran les gar.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

2. Johanni 1:9

Hakeno, koon atchell gar pash kol laba, hoi o Jesus Kristo menge penas, un penell wawar koowa, kowa atchell gar o Debleha. Kowa, kai atchell pash kol laba, hoi o Jesus Kristo menge penas, kowa atchell o Debleha, maro dadeha, un peskro Tchaweha.

Jeremia 24:7

Me dau len djia, kai prindjrenn man, te djinenn le, me hom o baro Dewel. Jon te wenn mire menshe, un me hom lengro Dewel; pengro tselo djijestar wenn le pale pash mande.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.

Galatarja 4:9

Kanna prindjrenn tumer o Debles. Feteder hi, te penau me: O Dewel prindjrell tumen. Har nai tchiwenn tumer tumen pale tel kol sorja, ap kolende i menshe pandlo hi? Tumer shunenn pale ap laba, hoi tchi moldo hi, un an lende kek soor hi.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

Johanni 15:21

Tumer han miro. Doleske hi jon tchilatcho ap tumende. Jon prindjrenn koles gar, kai bitchras man.

Jeremia 22:16

Job das o tchorweleste un koleste, kai tele rikedo his, peskro tchatchepen. Doleske djas leske mishto. Jaake hunte djiwell o mensho, kai man prindjrell, penell o baro Dewel.

Hebrearja 1:3

O Debleskro tchawo hi railo un baro har o Dewel. Un kowa, hoi hi o Debles an o dji, hi ninna o tchawes an o dji. Dran leskro sorelo lab rikrell lo lauter khetne, hoi job kras. O Debleskro tchawo las mari doosh un maro tchilatchepen mendar, un job beshas pes ap i tchatchi rig o baro Deblestar an o bolepen.

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

Efesarja 1:17

te dell lo tumen goswepen, te haiwenn tumer, har baro job hi. Job hi o Dewel maro rajestar, o Jesus Kristestar, un maro dad an o bolepen, o rai pral halauter.

Johanni 1:18

Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

1. Johanni 2:23

Hakeno, kai o Debleskro tchawes buchoste della, prindjrell witar gar o Debles, kai leskro dad hi. Koon ap o Jesuseste patsella, un i menshenge penella, te hi o Jesus o Debleskro tchawo, kowa prindjrella ninna o Debles, leskro dades.