Johanni 5:16 - O Debleskro Drom 2021 (Sinte)

¹⁶ Pal kowa lan i bibolde o Jesuses palla. Jon his chojedo, te kras job i nasseles ap o Debleskro diwes sasto.

O Debleskro Lab 2024 (Sinte-Manouche)

¹⁶ Pal kova lan i bibolde o Yezouses palla. Yon his rhoyedo, te kras yob i nasseles ap o Debleskro dives sasto.

Johanni 5:16 Referans Kwoze

Johanni 15:20

Rikrenn an tumaro shero, hoi me tumenge penom: I budepaskro hi gar bareder har leskro rai. Lan man jon palla, lenn jon tumen ninna palla. Te shunan jon ap kowa, hoi me lenge penom, shunenn jon ninna, hoi tumer lenge penenna.

Johanni 10:39

Koi kaman jon les pale te taprell. Job khatras pes lendar.

Johanni 7:25

Koi penan kolla, kai hi dran o foro Jerusalem: “Hi kowa gar ko mursh, kai kaman le les te marell?

Johanni 5:13

Kowa, kai sasto was, djinas les gar. O Jesus mukas ko thopaskro kheer, har dikas lo kol bud menshen koi.

Louka 6:11

Koi wan jon chojedo ap o Jesuseste, un rakran khetne, hoi jon o Jesuseha nai krans.

Markus 3:6

Un kol Farisarja djan win, un djan pash kolende, kai shunenn ap o Herodeste, un rakran lentsa, har jon nai marenn les.

Mateo 12:13

Un ap ko mursheste penas lo: “Hade tiro wast pre!” Un job hadas peskro wast pre. Un leskro wast was sasto, har ko wawar wast.

Johanni 1:19

Har bitchran i pralstune bibolde dran o foro Jerusalem i rashajen un i Levitarjen pash o Johanneste, te putchenn le lestar: “Koon hal tu?” penas job glan i tsele menshende, kai kote tardo hi: “Tchatchepah, me hom gar o Kristo.”

Johanni 5:10

Dran kowa penan kol pralstune bibolde ap koleste, kai sasto was: “Kau diwes hi o Debleskro diwes. Kau diwes hidjress tu tiro tchiben gar!”

Johanni 5:15

Koi djas ko mursh pash kol pralstune biboldende un penas: “Kowa his o Jesus, kai kras man sasto.”

Johanni 5:17

O Jesus penas lenge: “Miro dad budrell o tselo tsiro. Jaake krau me kowa ninna.”

Johanni 5:18

Doleske kaman kol bibolde gomme budeder, te marenn le les. O Jesus kras gar kokres i nasseles ap o Debleskro diwes sasto. Job penas ninna, kai o Dewel leskro dad hi, un kras pes jaake har o Dewel.

Johanni 7:21

Penas o Jesus: “Jek baro koowa krom me pash tumende an o foro Jerusalem. Un tumer han chojedo pral kowa.