Johanni 4:18 - O Debleskro Drom 2021 (Sinte)

¹⁸ Pantch romma his tut. Un kowa, kai tut kanna hi, kowa hi gar tiro rom. Koi penal tu o tchatchepen.”

O Debleskro Lab 2024 (Sinte-Manouche)

¹⁸ Panč romma his tout. Oun kova, kay tout kanna hi, kova hi gar tiro rom. Koy penal tou o čačepen.”

Johanni 4:18 Referans Kwoze

Jeremia 3:20

Tchatchepah, har i romni, kai chochras peskro romes i wawar mursheha, jaake chochras man o kheer Israel. Me, o baro Dewel, penau kowa.

Markus 10:12

Un te mukell i djuwel peskro romes, un romedinerell i wawares, chochell li peskro ersto romes un anell doosh ap peste.”

Remarja 7:3

Te djal li pash i wawar mursheste jaake rah har hi lakro rom djido, palle chochras li peskro romes. Te hi lakro rom mulo, hi li buder gar pandlo ap leste un chochell les gar, te romedinerell li i wawares.

Ezekiel 16:32

Tu hal har i djuwel, kai chochras peskro romes, un sowal wawar murshentsa un gar tiro romeha.

Ruth 4:10

Un ninna lom me i Rut dran o them Moab, kolakro rom o Machlon his, te well li miri romni un anell leske i tchawo ap i phub. Jaake atchell ko kotar phub an leskri familja, un leskro lab merell gar win mank peskre phralende un an kau foro. Un tumer shunan un dikan kowa un djinenn, jaake hi kowa.”

4. Mose 5:29

Jaake hunte krenn tumer kowa, te silwerell i mursh un patsell, te chochras les peskri romni i wawareha. Job hunte anell lat glan o baro Debleste. Un ko rashai hunte krell lah kowa jaake har kate penlo hi.

1. Mose 34:31

Penan kol dui ap leste: “Job las mari phenjat, har te wals joi i lubni. Un mer te kras tchi?”

1. Mose 34:2

Koi dikas lat o Sichem, koleskro dad o Hiwari Hamor his. O Hamor his o rai pral ko them. Un o Sichem tapras lat i sorjah un tchiwas pes pash late.

1. Mose 20:3

An i rati was o Dewel an i suni pash o Abimelech un penas ap leste: “Tu hunte meress. Koi djuwel, kai tu lal, hi romedino.”

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

Johanni 4:17

“Man hi kek rom,” penas koi djuwel. Penas o Jesus ap late: “Tiro hi tchatcho, te peneh tu: Man hi kek rom.

Johanni 4:19

Penas koi djuwel: “Romeha, me dikau, tu hal i Debleskro rakepaskro.

Ezekiel 16:35

Doleske shun, Jerusalem, tu lubni, hoi o baro Dewel penell!

Johanni 4:16

“Dja khere!” penas o Jesus, “de tiro romes gole, un am leha pale kai!”