Johanni 21:22 - O Debleskro Drom 2021 (Sinte)

²² Penas o Jesus ap leste: “Te kamau me, te atchell job djido, bis te wau pale, palle hi kowa gar tiro koowa. Am tu mantsa!”

O Debleskro Lab 2024 (Sinte-Manouche)

²² Penas o Yezous ap leste: “Te kamau me, te ačell yob djido, bis te vau pale, palle hi kova gar tiro koova. Am tou mantsa!”

Johanni 21:22 Referans Kwoze

Markus 9:1

Un o Jesus penas ap lende: “Tchatchepah, me penau tumenge: Mashkral tumende hi sawe menshe, kai merenna gar, bis te dikan le, kai was kowa bari sorjah, kones o Dewel win rodas, te well lo baro rai.”

Debleskro tsiro 2:25

har kowa, te rikrenn mire laba soreles an tumare djia, jaake rah bis te wau pale.

1. Korintarja 4:5

Dran kowa penau, ma penenn jekestar: Kowa krell peskri budi gar mishto. Kanna hi gar o tchatcho tsiro, te rakrenn jaake. Ap ko diwes, kai well maro rai Jesus pale, sikrell lo halauteren, hoi kanna khatedo hi. Un lauter, hoi an o dji dren hi, well palle diklo. Un palle well hakeno sharedo o Deblestar pal koi budi, hoi job kras.

Debleskro tsiro 3:11

Me wau an i tikno tsiro pale. Rikrenn tumaro patsepen soreles, te lell kek wawar ko shukar koowa tumendar, hoi tumenge an o bolepen hi, un hoi kolla lenna, kai dan pengro patsepen gar pre.

Jakobo 5:7

Mire phrala, dikenn ap o diwes, kai well maro rai Jesus pale, un awenn gar khino an tumare djia, jaake har i hacho dikell ap ko diwes, kai peskro kutch djob bares was. Job djinell, o brishin hunte well un krell i phub sapeno, un pal i tsiro hunte dell pale brishin, te well o djob bares. O tselo tsiro well o hacho gar khino an peskro dji.

1. Korintarja 11:26

Hako kopo, kai chan tumer ko maro, un kai pijenn tumer dran ko khoro, penenn tumer dureder, kai maro rai Jesus meras. Kowa krenn tumer jaake rah, bis te job pale wella.

Johanni 21:19

Jaake kamas o Jesus o Petreste te sikrell, har job merella un an peskro merepen o Debles bares un railes krella. Pal kowa penas o Jesus ap leste: “Am mantsa!”

Mateo 24:44

Doleske penau tumenge: Denn garda! Me, o Mensheskro Tchawo, wau pale an i tsiro, kai tumer gar djinenna.

Debleskro tsiro 22:20

Kowa, kai kawa penas, penella: “Awa, me wau sik.” Amen. Ab rai Jesus!

Debleskro tsiro 22:7

“Shunenn,” penell o Jesus, “me wau sik. Bachtele hi kolla, kai rikrenn kal laba, hoi an kau liil tchinlo hi, an pengre djia. Kolla laba sikrenna, hoi wella.”

Debleskro tsiro 1:7

Dikenn, job wella dran o bolepen, un hakeno dikell les, ninna kolla, kai les ap o trushel dan. Un an hake themma rowenn le pral leste, un penenn le: “Patsams mer ap leste!” Awa, jaake hunte well kowa. Amen.

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Mateo 24:27

Ap ko diwes, kai o Mensheskro Tchawo pale wella, dikenn les i tsele menshe, jaake har i Debleskri jag ap o bolepen diklo well, hoi djal jek rigjatar ap i wawar rig an o bolepen.

Mateo 24:3

Pale djas lo ap i djeteskri berga un beshas pes. Leskre mala kokres his pash leste un putchan lestar: “Ap hawo tsiro well o Debleskro baro kheer tele phagedo? Har nai dikas mer, te was ko tsiro, kai tu pale weh, un o Dewel o rai hi pral halauter?”

Mateo 8:22

Penas o Jesus: “Muk i mule pengre mulen te paskrell! Dja tu mantsa!”

Mateo 16:24

Palle penas o Jesus ap peskre malende: Koon ap miro drom mantsa djala, kowa hunte bistrell, hoi leske kokres mishto hi, un hunte lell peskro trushel ap peste, un djal mantsa.

Johanni 21:21

Har o Petro koles dikas, putchas job o Jesusestar: “Rai, hoi well dran koleste?”

1. Tessalonikarja 2:19

Mer ham bachtelo pral tumende. Un mer dikah ap ko diwes, kai well maro rai Jesus pale. Palle nai sharah men tumentsa.

Jakobo 5:8

Ninna tumer, ma awenn khino an tumare djia! Atchenn soreles an o patsepen! Hi buder gar rah, kai well maro rai Jesus pale.