Johanni 20:16 - O Debleskro Drom 2021 (Sinte)

¹⁶ “Maria!” penas o Jesus. Koi rissras pes li trujel, un penas ap hebretikes: “Rabuni!” Kowa kharella Sikepaskro.

O Debleskro Lab 2024 (Sinte-Manouche)

¹⁶ “Maria!” penas o Yezous. Koy rissras pes li trouyel, oun penas ap hebretikes: “Rabouni!” Kova kharella Sikepaskro.

Johanni 20:16 Referans Kwoze

Johanni 10:3

Leske krell kowa o wudar pre, kai dell garda glan o wudar. Un leskre bakre shunenn leskro rakepen. Un job dell peskre bakren gole lengre labentsa, un anell len win.

Johanni 1:38

Un o Jesus rissras pes trujel, un dikas len. Un job putchas lendar: “Hoi rodenn tumer?” Penan jon: “Sikepaskro, kai chah un soweh tu?”

Bičepangre 10:3

His i diwes. His trinenge. Koi dikas ko mursh i Debleskro bolepaskres, har kowa pash leste dren was. Ko bolepaskro penas ap leste: “Kornelio!”

Bičepangre 9:4

Un job peras ap i phub un shunas i rakepen. Kowa penas ap leste: “Saulo, Saulo, hoske leh tu man palla?”

Johanni 6:25

Kote hatsan le les, un putchan lestar: “Sikepaskro, kaana wal tu kate?”

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

1. Mose 22:11

Koi das o baro Debleskro bolepaskro dran o bolepen gole: “Abraham, Abraham!” Penas job: “Kate hom!”

Johanni 20:28

Koi penas o Thomas ap leste: “Miro rai un miro Dewel!”

Johanni 13:13

Tumer penenn ap mande: Sikepaskro un Rai. Un kowa hi tchatcho. Me hom kowa.

Johanni 11:28

Un har joi kowa penas, djas joi pash peskri phenjate un penas tchorchanes ap late: “O sikepaskro hi koi un dell tut gole.”

Johanni 5:2

An o foro Jerusalem his i pani pash ko foreskro wudar, kai kharella bakrengro wudar. Ko pani kharella ap hebretikes Betesda. Kote his i thopaskro kheer, kai pantch bare iseme dren his, kai pre his.

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 1:49

“Sikepaskro,” penas o Natanael, “tu hal o Debleskro tchawo. Tu hal o baro rai pral Israel.”

Louka 10:41

Koi penas o rai: “Marta, Marta, tu mareh tut tele, un kreh tuke bud budi.

Mateo 14:27

Koi penas lo sik ap lende: “Ma darenn! Me hom. Lauter hi mishto!”

Kamlepaskri gili 5:2

Me sowom, miro dji his djangelo. Shun, miro pirno dell ap o wudar: Kre mange pre, hejo, miri pirni, miri tauba, miri gudli! Mire balla hi sapeno.

Kamlepaskri gili 3:4

Har me lendar i tikno kotar dureder djom, hatsom les, koles miro dji kamell. Me taprom leskro wast, un mukom les buder gar mandar te djal, lom les khere pash mande, an miri dakri isema, kai boldo wom.

1. Samuel 3:10

Kote was o baro Dewel un his pash leste tardo, un das les pale jaake gole har kol wawar kope: “Samuel! Samuel!” Un o Samuel penas: “Rake, tiro budepaskro shunella!”

1. Samuel 3:6

Kote das les o baro Dewel gomme jek kopo gole: “Samuel!” Un o Samuel stas pre un djas pash o Eli un penas: “Ake hom, tu dal man gole.” Un o Eli penas: “Me dom tut gar gole miro tchawo. Dja pale pale un tchip tut.”

2. Mose 33:17

O baro Dewel penas ap o Moseste: “Ninna kawa, hoi tu mandar mangal, kamau me te krell. Tu hal latches glan mire jaka, me prindjrau tut un djinau tiro lab.”

2. Mose 3:4

Un o baro Dewel dikas, har well o Mose, te dikell lo feteder. Un o Dewel das ap leste gole dran i burra: “Mose! Mose!” Un o Mose penas: “Kate hom.”

1. Mose 45:12

Tumer dikenn tumare jakentsa, ninna miro phraal Benjamin dikell, kai tchatchepah me hom, kai rakrell tumentsa.

1. Mose 22:1

Pal kau koowa kamas o Dewel te dikell, te shunell o Abraham ap leste o tselo djijeha, un penas ap leste: “Abraham!” Un job penas: “Kate hom.”

Markus 10:51

Un o Jesus penas ap leste: “Hoi kameh, te krap tuke?” Ko korelo penas ap leste: “Mo rai, te dikap nai pale.”