Johanni 2:25 - O Debleskro Drom 2021 (Sinte)

²⁵ Job djinas, har i menshe hi. Leske hunte penell kek, hoi an o mensheskro dji hi.

O Debleskro Lab 2024 (Sinte-Manouche)

²⁵ Yob djinas, har i menshe hi. Leske hounte penell kek, hoy an o mensheskro dji hi.

Johanni 2:25 Referans Kwoze

Johanni 13:11

O Jesus djinas, koon ap leste phukrella. Doleske penas job: “Jek kokres hi gar djudjo.”

Mateo 9:4

Un o Jesus haiwas, hoi an lengro shero trujel djas. Un job penas ap lende: “Hoske djal sawo tchilatchepen an tumaro shero trujel?

Johanni 6:64

Mashkral tumende hi menshe, kai patsenn gar.” O Jesus djinas, koon kolla his, kai patsenn gar. Ninna djinas lo, koon ap leste phukrella.

Johanni 6:61

Har o Jesus lendar haiwas, kai jon pen pral leste choirenna, penas lo ap lende: “Choirell tumen kowa?

5. Mose 31:21

Palle well bud bibacht un djungelo koowa pral lende. Un jon giwenn koi gili. un koja well gar bistedo lengre tchawendar, un sikrell lende, kai dom len trad, hoi wella, te mukenn le miro drom. Glan te anom len an ko them, koleske me man sowel dom, te anau len koi, prindjrau ko koowa, hoi lenge an o shero trujel djal.”

1. Rajengro liil 8:39

palle shun tu, kai djiweh an o bolepen. Biste leskri doosh un ab ap leskri rig! De hakeneste pal kowa, har job djiwas. Tu prindjreh hakeneskre dromma, un tu kokres dikeh hakeneske an o dji.

Jesaja 11:3

Leske hi shukar, te rikrell lo peske o baro Debles glan i jaka pash kowa, hoi lo krell. Job krell gar o tchatchepen win pal kowa, hoi glan leskre jaka hi un leske penlo was.

Johanni 1:42

Un o Andreas anas peskro phrales pash o Jesuseste. Har o Jesus koles dikas, penas lo: “Tu hal o Simon, ko Johanneskro tchawo. Tu khareh kanna Kefas.” Ko kharella baro bar.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”