Johanni 19:42 - O Debleskro Drom 2021 (Sinte)

⁴² Un har dikan le, kai ko mulengro kheer gar dur hi, tchiwan le kote o Jesuses sik dren. Len his kek tsiro. O Debleskro diwes wals sik.

O Debleskro Lab 2024 (Sinte-Manouche)

⁴² Oun har dikan le, kay ko moulengro kheer gar dour hi, čivan le kote o Yezouses sik dren. Len his kek tsiro. O Debleskro dives vals sik.

Johanni 19:42 Referans Kwoze

Johanni 19:31

His o diwes glan o Debleskro diwes. Ko Debleskro diwes his i baro diwes. Doleske kaman i pralstune bibolde gar, te atchenn i mule ap ko Debleskro diwes ap o trushel. Un jon mangan o Pilatestar, te wenn i herja kolendar phagedo, kai ap o trushel dino wan, te merenn le sikeder. I bibolde kaman, te lenn le len sik tele.

Johanni 19:14

His jaake deesh-te-dujenge, jek diwes glan kol bare diwessa, kai kharenna Passa. Un o Pilato penas ap kol biboldende: “Dikenn, kowa hi tumaro baro rai!”

Johanni 19:41

Kote, kai o Jesus ap o trushel dino was, his i baar. An koi baar his i newo mulengro kheer. Koi his kek mensho dren tchiddo.

Jesaja 53:9

Un job was paskedo kote, kai i tchilatche paskedo wenn. Un an i mulengro kheer i brawelestar was job tchiddo, ninna te kras job kekeske tchilatchepen, un kek chochepen an leskro mui hatslo was.

Kolossarja 2:12

Har wan tumer taufedo, was tumaro phuro djipen paskedo. Un jaake wan tumer o Jesus Kristeha paskedo. Har tumer ap leste patsan, kras o Dewel tumen djido, jaake har job o Jesus Kristes i mulendar djido kras.

1. Korintarja 15:4

Un job was paskedo, un was djido pal triin diwessa, jaake har kowa an o Debleskro lab tchinlo hi.

Bičepangre 13:29

Har kowa kerdo was, hoi an o Debleskro lab glan i rah tsiro tchinlo was, lan jon les o trushelestar tele, un tchiwan les an o mulengro kheer.

Johanni 19:20

Kowa, hoi koi pre tchinlo hi, draweran bud bibolde. Ko kotar them, kai dan le o Jesuses ap o trushel, his gar dur o forestar tchiddo. Un kol laba his tchinlo ap hebretikes, lataintikes, un grichtikes.

Mateo 12:40

O Jona atchas triin diwessa un triin rati an o baro matcheskro per. Un jaake hunte atchell o Mensheskro Tchawo triin diwessa un triin rati an i phub paskedo.

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.