Johanni 18:8 - O Debleskro Drom 2021 (Sinte)

⁸ “Me penom tumenge, kai me kowa hom,” penas o Jesus. “Te hom me kowa, koles tumer rodenna, palle mukenn kol wawaren te djal.”

O Debleskro Lab 2024 (Sinte-Manouche)

⁸ “Me penom t'menge, kay me kova hom,” penas o Yezous. “Te hom me kova, koles t'mer rodenna, palle moukenn kol vavaren te djal.”

Johanni 18:8 Referans Kwoze

1. Petro 5:7

Lauter, hoi hi tumen phares ap o dji, witsrenn ap leste! Job krell lauter mishto.

Efesarja 5:25

Tumer mursha, awenn jaake kamlo ap tumare romjende, har o Jesus Kristo kamlo hi ap i patslende! Job das peskro djipen lenge an o merepen,

2. Korintarja 12:9

Un job penas ap mande: “Muk tuke miro latchepen doha te well! Miri soor hi bari an kolende, kai gar sorelo hi.” Un me, o Paulo, penau tumenge: Doleske kamau man me te sharell, kai hi man kek soor. Jaake nai dikell hakeno, o Jesus Kristo peskri sorjah hi pash mande.

1. Korintarja 10:13

Della sawo koowa, hoi kamell tumen o Debleskro dromestar tele te anell. Dikenn, sawo koowa was ninna ap wawar menshende. Te well pharo koowa ap tumende, dell o Dewel tumen koi soor, te nai hidjrenn kowa. Job hatsell i drom, te wenn pale kote win.

Johanni 16:32

“Dikenn, ko tsiro wella un hi koi, kai nashenn tumer halauter mandar. Hakeno djal pale khere. Un man mukenn tumer kokres. Ninna te mukenn man, hom me gar kokres. O dad hi pash mande.

Johanni 13:36

“Rai, kai djah tu?” putchas o Simon Petro lestar. Penas o Jesus ap leste: “Kote, kai me kanna djaua, nai djah tu gar peha. Pal i tsiro weh tu ninna koi.”

Johanni 13:1

His o diwes glan kol bare diwessa, kai kharenna Passa. O Jesus djinas, kai leskro tsiro was, te mukell lo i phub, te djal lo pale pash peskro dadeste. O tselo tsiro kamas lo kolen o djijestar, kai leskre his. Un job mukas gar tele, te kamell lo len.

Johanni 10:28

Un me dau len ko djipen, hoi gar pre-herella. Un jon djan gar nashedo. Un kek nai tserdell len dran miro wast win.

Mateo 26:56

Kawa lauter hunte djas, te well tchatcho, hoi o Debleskre rakepangre glan i rah tsiro an pengre lila tchinan.” Har peskre mala kowa shunan, nashan le penge lauter lestar.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Johanni 18:7

Pale putchas o Jesus lendar: “Kones rodenn tumer?” “O Jesuses dran Nazaret,” penan jon.

Johanni 18:9

Kowa penas o Jesus, te well tchatcho, hoi job glan-wi penas: “Tata, me nashrom kekes kolendar, kai tu man dal.”