Johanni 16:2 - O Debleskro Drom 2021 (Sinte)

² Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

O Debleskro Lab 2024 (Sinte-Manouche)

² Yon krenn t'men pale-čiddo. Oun ko tsiro vella, kay denn yon t'men moulo oun penenn: O Devel kamas kova yaake.

Johanni 16:2 Referans Kwoze

Johanni 9:22

Len his daar kol pralstune biboldendar. Doleske rakran jon jaake. I pralstune bibolde kaman hakenes pale-tchiddo te krell, kai penella o Jesusestar: Job hi o baro rai, kolestar o Dewel penas, te well job.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Debleskro tsiro 6:9

Un o terno bakro pandas i pantchti dori pre, hoi rikras ko liil khetne. Un me dikom kol tsele menshen, kai rikran soreles ap o Debleskro lab, un sikran i menshende o Debleskro drom, un wan doleske maredo. Jon his tardo pash o Debleskri chatchepaskri.

Johanni 12:42

Ninna bud kol pralstune biboldendar patsan ap leste. Un jon penan tchi i wawarenge, kai jon ninna ap o Jesuseste patsenna. Jon daran i Farisarendar, te wenn le lendar gar pale-tchiddo kerdo.

Louka 6:22

Bachtele han tumer, te wenn i menshe chojedo ap tumende, un tchiwenn tumen pale, un praassenn tumen, un rakrenn tchilatches pral tumende, un kowa lauter krenn le doleske, te patsenn tumer ap o Menshengro Tchaweste!

Jesaja 66:5

Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

1. Korintarja 4:13

Te rakrenn jon djungeles mentsa, rakrah mer latches lentsa. Mer ham har tchik hako mensheske, har tchik ham lenge bis kanna.

Bičepangre 7:56

Un o Stefano penas: “Me dikau o bolepen pre, un o Menshengro Tchawes ap i tchatchi rig o Deblestar tardo.”

Mateo 24:9

Palle taprenn le tumen, denn tumen dawa, un marenn tumen. Un i menshe an i tsele themma wenna chojedo ap tumende doleske, kai patsenn tumer ap mande.

Johanni 9:34

Koi penan jon ap leste: “Tu, kai boldo hal an o tchilatchepen, kameh kanna maro sikepaskro te well?” Un jon witsran les win.

Jesaja 65:5

Un jon penenn i wawarenge: Atch krik tuke, ma tape man an! Me taprom ko koowa miro deblestar an. Sawe menshe, penell o baro Dewel, nai dikau me gar glan i jaka. Miri choli pral lende hi har i jag, hoi o tselo diwes chatchell.

Bičepangre 5:33

Har jon kowa shunan, wan jon chojemen ap lende, un kaman len te marell.

Johanni 4:21

Penas o Jesus: “Romnija, pats man, ko tsiro wella, kai mangenn tumer o Debles gar ap kai berga an, witar gar an o foro Jerusalem.

Filiparja 3:6

Miri tseli sorjah lom kolen palla, kai ap o Jesus Kristeste patsenna. Me krom kowa lauter, hoi an o Moseskre lila tchinlo hi, un kek nai anas i doosh ap mande.

Daniel 11:33

Un kolla, kai gosewo hi mank lende, sikrenn budende o tchatcho drom. Doleske wenn le i tikno tsiro palla lino, un o chareha maredo un jagah chatchedo, un an o stilepen witsedo. Un kowa hoi lengro his, well lenge krik lino.

Johanni 4:23

Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an.

Johanni 16:25

Kowa penom me tumenge gar an o mui. O diwes wella, kai me rikrau buder tchi pale. Palle rakrau tumentsa miro dadestar jaake, kai haiwenna halauter.

Johanni 16:32

“Dikenn, ko tsiro wella un hi koi, kai nashenn tumer halauter mandar. Hakeno djal pale khere. Un man mukenn tumer kokres. Ninna te mukenn man, hom me gar kokres. O dad hi pash mande.

Čačepangre 6:30

Kote penan i mursha dran o foro ap o Joash: “De tiro tchawes win! Job hunte merell! Job das koi chatchepaskri o deblestar Baal paash, un das i Ashera, hoi pashel tardo his, trujel!”