Johanni 15:11 - O Debleskro Drom 2021 (Sinte)

¹¹ Kowa penom me tumenge, te well miri bacht an tumende jaake baro, har djal gar bareder.

O Debleskro Lab 2024 (Sinte-Manouche)

¹¹ Kova penom me t'menge, te vell miri barht an t'mende yaake baro, har djal gar bareder.

Johanni 15:11 Referans Kwoze

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

Johanni 17:13

Kanna wau me pash tute. Kowa rakrau lauter jaake rah, har hom me ap kai phub, te well koi bacht an lengre djia jaake bari, bareder djal gar.

Johanni 16:24

Bis kanna mangan tumer tchi an miro lab. Mangenn un job dell tumen, te well tumari bacht jaake bari, bareder djal gar!

1. Johanni 1:4

Kowa lauter tchinah tumenge, te wenn mare djia un tumare djia pherdo bacht.

1. Petro 1:8

Koles kamenn tumer o djijestar, ninna te dikan les gar. Ap leste patsenn tumer, ninna te dikenn les kanna nai gar. Tumaro patsepen anell tumen pash o Debleste an o bolepen. Kote hi tumari bacht jaake baro, hoi i labentsa nai gar penenna.

2. Johanni 1:12

Me nai penoms tumenge gomme bud. Kowa kamau gar lauter an i liil te tchinell. Shukeder wals, te nai woms pash tumende, un rakroms tumentsa, te wenn mare djia pherdo bacht.

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

2. Korintarja 1:24

Mer kamah te kras tumen bachtelo, un rodah gar koi pal, te was raja pral tumaro patsepen. Na-a, mer djinah: Tumer han soreles an o patsepen tardo.

1. Tessalonikarja 5:16

Awenn bachtelo hako tsiro!

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Louka 15:9

Un te hatsell li koi rupeni bema, dell li peskre malen gole un kol wawaren, kai pash late djiwenna, un penella: Awenn bachtelo mantsa! Me hatsom miri rupeni bema, kai nashrom.

Filiparja 1:25

Doleske hi miro dji sorelo, un me djinau, te atchap djido, un wau pale pash tumende. Te hom pale pash tumende, wenn tumer soreles un bachteles an o patsepen, un parkrenn tumen pash o Jesus Kristeste, un sharenn les bud un budeder.

Efesarja 5:18

Ma pijenn jaake bud mool, te wenn mato! Te han mato, palle krenn tumer hako dinelo koowa. Mukenn o Debleskro Ducho o rai an tumende te well, un wenn pherdo lestar!

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Louka 15:5

Un te hatsell lo koles, lell lo les ap i phik, un hi bachtelo.

Louka 15:23

Anenn i terni thulli grumni! Marenn lat, te chas un was bachtelo!

Jeremia 32:41

Miro dji sala, te nai krau lenge latchepen. Un me mukau len soreles an kau them well, un jon hunte mukenn les buder gar. Tchatchepah, kowa krau miro tselo djijeha un miri tseli sorjah.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Jeremia 33:9

Palle well o foro Jerusalem mange i foro, pral koleste bachtelo hom. I menshe an i tsele themma sharenn man, un hadenn man, te shunenn le ko tselo latcho koowa, hoi me o foreske Jerusalem krau. Lenge atchell o rakepen krik, un jon krenn bare jaka, te dikenn le ko tselo latchepen un koi tseli bacht, hoi dau kau foreske.

Jesaja 62:4

Tu weh gar buder kharedo ‘muklo foro’ un tiro them ‘mulo them’. Tu weh gole dino ‘o Debleskri pirni’, un tiro them ‘bachteli romni’. O baro Dewel dikell latches ap tute, un romedinerell pes tiro themeha.