Johanni 12:42 - O Debleskro Drom 2021 (Sinte)

⁴² Ninna bud kol pralstune biboldendar patsan ap leste. Un jon penan tchi i wawarenge, kai jon ninna ap o Jesuseste patsenna. Jon daran i Farisarendar, te wenn le lendar gar pale-tchiddo kerdo.

O Debleskro Lab 2024 (Sinte-Manouche)

⁴² Ninna boud kol pralstoune biboldendar patsan ap leste. Oun yon penan či i vavarenge, kay yon ninna ap o Yezouseste patsenna. Yon daran i Farisarendar, te venn le lendar gar pale-čiddo kerdo.

Johanni 12:42 Referans Kwoze

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Johanni 9:22

Len his daar kol pralstune biboldendar. Doleske rakran jon jaake. I pralstune bibolde kaman hakenes pale-tchiddo te krell, kai penella o Jesusestar: Job hi o baro rai, kolestar o Dewel penas, te well job.

Johanni 7:13

I darjatar i pralstune biboldendar rakran le halauter tchorchanes pral leste.

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Mateo 10:32

Me penau tumenge: Koon glan i menshende penella: O Jesus hi miro rai! kolestar penau me glan miro dadeste an o bolepen: Job hi miro!

1. Johanni 4:15

Koon glan i menshende penella, kai o Jesus o Debleskro tchawo hi, koleha atchell o Dewel, un job atchell o Debleha.

1. Johanni 4:2

Har nai djinah, te hi o Debleskro Ducho an jekeste? Hakeno, kai penell glan i menshende, kai o Jesus Kristo was i mensho dran mass un rat, koles hi o Debleskro Ducho.

Remarja 10:10

Koon o tselo djijestar ap leste patsella, koles tchiwell o Dewel an o tchatchepen. Un koon i menshenge penella: O Jesus hi o rai, koleste dell o Dewel o djipen, hoi gar pre-herella.

Bičepangre 5:41

Koi djan jon penge i pralstunendar. Un jon his bachtelo, te hi le o Debleske jaake bud moldo, te rodas lo len win, te chan le dawa o Jesuseske.

Johanni 19:38

Pal kowa djas o Josef, kowa, kai dran o foro Arimatia his, pash o Pilateste, un mangas lestar, te dell job les o mulo Jesuses. O Josef patsas ap o Jesuseste tchorchanes i darjatar i pralstune biboldendar. Un o Pilato penas, kai job o Jesuses o trushelestar nai tele lella. Un jaake djas job pash o trushel, un las les tele.

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Johanni 11:45

Bud kol biboldendar, kai pash i Mariate wan, dikan kowa, hoi o Jesus kote kras, un jon patsan ap leste.

Johanni 9:34

Koi penan jon ap leste: “Tu, kai boldo hal an o tchilatchepen, kameh kanna maro sikepaskro te well?” Un jon witsran les win.

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Louka 12:8

Me penau tumenge: Koon glan i menshende penella: O Jesus hi miro rai! kolestar penau me glan o Debleskre bolepangre: Job hi miro.

Louka 6:22

Bachtele han tumer, te wenn i menshe chojedo ap tumende, un tchiwenn tumen pale, un praassenn tumen, un rakrenn tchilatches pral tumende, un kowa lauter krenn le doleske, te patsenn tumer ap o Menshengro Tchaweste!

Jesaja 66:5

Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

Jesaja 57:11

Konestar trashal un daral tu jaake, te chochral man un bistral man, un mukal man tuke gar an o shero te well? Hi kowa gar jaake: I rah tsiro penom tchi koi pral. Un doleske dareh buder gar mandar.

Jeremia 38:19

O baro rai Zedekja penas ap o Jeremia: Man hi traash, te wap an o wast dino kol menshendar dran o them Juda, kai nashan wergel pash i Babilonarja, un jon mantsa djungelo koowa krenna.

Louka 23:13

O Pilato das i bare rashajen, i pralstune bibolden, un i tsele menshen khetne gole,

Johanni 7:31

Bud kol menshendar patsan ap leste un penan: “Te well o baro rai, kolestar o Dewel penas, te well job, nai krell kowa bareder koowa, har kau mursh Jesus?”