Johanni 11:51 - O Debleskro Drom 2021 (Sinte)

⁵¹ O Kajafas penas kowa gar dran peste. An ko bersh his lo o baro rashai, un job penas glan-wi, kai o Jesus hunte merell i biboldenge,

O Debleskro Lab 2024 (Sinte-Manouche)

⁵¹ O Kayafas penas kova gar dran peste. An ko bersh his lo o baro rashay, oun yob penas glan-vi, kay o Yezous hounte merell i biboldenge,

Johanni 11:51 Referans Kwoze

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

1. Samuel 23:9

Har o David haiwas, te hi o Saules tchilatchepen an o dji un kamas ap leste te djal, penas lo ap o rashajeste Abjatar: “An mange o rashajeskri damdira kai!”

2. Mose 28:30

An ko betcheskri possita tchip kol dui tikne koola, hoi kharenna ‘momeli’ un ‘tchatchepen’, te wenn le ap o dji o Aronestar, te djal o Aron dren pash mande. Kol dui tikne koola, kolentsa tumer win hatsenn, hoi me, o baro Dewel, i Israelendar kamau, kolen hidjrell lo ap peskro dji, te well lo glan mande.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

1. Korintarja 13:2

Te wals man gar o Debleskro kamlepen an o dji, palle molals ninna kowa tchi, te penoms me i menshenge, hoi o Dewel mande sikras. Te wals man gar o Debleskro kamlepen an o dji, palle molals ninna kowa tchi, te djinoms halauter, hoi i wawar gar djinenna un te haiwoms ko tselo Debleskro drom. Te wals man gar o Debleskro kamlepen an o dji, palle molals ninna kowa tchi, te wals man jek sorelo patsepen, te penoms ap i berge: ‘Hadenn tumen’, un jon hadenna pen.

Johanni 10:15

jaake har o dad man prindjrella, un me o dades prindjrau. Un me dau miro djipen i bakrenge.

Mateo 20:28

Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

1. Samuel 28:6

Un o Saul putchas o baro Debles, hoi te krell lo. Un kowa penas leske tchi, das les kek suni, rakras gar leha kol tikne barrentsa, hoi witsedo wan, te sikrenn le, hoi kerdo hunte wella. Witar gar nai penas leske i Debleskro rakepaskro, hoi te krell lo.

4. Mose 24:2

un dikas kol Israelitarja, har lengre plachtene khera tardo hi, haki bari familja peske. Un o Debleskro ducho was ap leste.

4. Mose 22:28

Koi kras o baro Dewel koi burikake o mui pre. Un joi penas ap o Bileam: “Hoi krom me tut, kai dal tu man triin kope?”

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

Johanni 11:49

Jek lendar his o Kajafas. Kowa his an ko bersh o baro rashai. Job penas: “Tumer djinenna tchi.

Johanni 18:13

Un anan les pash o Hannas. Kowa his o dad o Kajafeskri romjatar. O Kajafas his an kau bersh baro rashai.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.