Johanni 11:42 - O Debleskro Drom 2021 (Sinte)

⁴² Me djinau, kai tu man hako tsiro shuneh. Me penau kawa kol bud menshenge, kai hi kai tardo, te dikenn le un te patsenn le, kai tu man bitchral.”

O Debleskro Lab 2024 (Sinte-Manouche)

⁴² Me djinau, kay tou man hako tsiro shouneh. Me penau kava kol boud menshenge, kay hi kay tardo, te dikenn le oun te patsenn le, kay tou man bičral.”

Johanni 11:42 Referans Kwoze

Johanni 3:17

O Dewel bitchras peskro tchawes gar ap i phub, te anell job o Debleskri choli pral i menshende. Job was, te lell lo len dran o tchilatchepen un o merepen win.

Johanni 17:21

Me mangau tutar, te wenn le halauter jek, jaake har tu, tata, an mande hal, un me an tute hom. Jaake te wenn jon jek an mende, te patsenn i menshe, kai tu man bitchral.

1. Johanni 4:14

Mer dikam, kai o Dewel, maro dad, peskro tchawes bitchras. Doleske penah mer i menshenge, kai job kowa hi, kai lell len win dran o tchilatchepen un o merepen.

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

Johanni 20:31

Kawa was tchinlo, te patsenn tumer, kai o Jesus ko baro rai hi, kolestar o Dewel penas, te well job. Job hi o Debleskro tchawo. Un te patsenn ap leste, lenn tumer o tchatcho djipen lestar.

Johanni 17:25

Tata, tu hal an o tchatchepen tardo! I menshe ap kai phub prindjrenn tut gar. Me prindjrau tut. Un kalla haiwan, kai tu man bitchral.

Johanni 17:8

Hoi tu mange penal, penom me lenge dureder. Un jon lan mire laba pre un haiwan, kai me tchatchepah tutar wom. Un jon patsan, kai tu man bitchral.

Johanni 11:22

Me djinau ninna, hoi tu o Deblestar mangeh, dell job tut.”

Mateo 26:53

Me nai mangoms miro dadestar an o bolepen, te bitchrell lo mange budeder har efta-deesh-te-dui serja (72.000) bolepangren, te wenn le ap miri rig.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

Johanni 11:31

Kol bibolde, kai pash i Mariate an o kheer his, te rakrenn le latches lah, dikan, har joi sik pre stas un win nashas. Koi djan le lake palla. Jon patsan, joi djal pash o mulengro kheer, te rowell li koi.

Johanni 8:42

“Te wals o Dewel tumaro dad”, penas o Jesus, “kamans man tumer. Lestar wom me. Me wom gar mandar. Hi o Dewel, kai bitchras man.

Johanni 8:29

Un kowa, kai bitchras man, hi pash mande. Job mukas man gar kokres. Me krau hako tsiro, hoi job kamella.”

Johanni 8:16

Me te penau: Kowa anas i doosh ap peste! palle hi kowa tchatcho. Me krau kowa gar mandar kokres. Miro dad, kai bitchras man, hi pash mande.

Johanni 11:43

Har job kowa penas, das lo soreles gole: “Lazaro, am win!”

Johanni 12:17

Kol bud menshe, kai pashel his, har o Jesus o Lazares dran o mulengro kheer gole das, un i mulendar djides kras, penan kowa dureder.