Johanni 11:15 - O Debleskro Drom 2021 (Sinte)

¹⁵ Doleske hom bachtelo tumenge, kai me gar koi homs, te patsenn nai tumer ap mande kanna. Awenn, mer djah kanna pash leste!”

O Debleskro Lab 2024 (Sinte-Manouche)

¹⁵ Doleske hom barhtelo t'menge, kay me gar koy homs, te patsenn nay t'mer ap mande kanna. Avenn, mer djah kanna pash leste!”

Johanni 11:15 Referans Kwoze

2. Timoteo 2:10

Me lau kowa lauter ap mande kol menshenge, kolen o Dewel win rodas, te lenn jon o djipen un o railepen, hoi gar pre-herella. Kowa dell len o Jesus Kristo.

Johanni 17:19

Me dau tut miro tselo djipen. Kowa krau lenge, te wenn jon ninna tire an o tchatchepen.

Johanni 12:30

Penas o Jesus: “Ko rakepen was tumenge rakedo, gar mange.

Johanni 11:4

Har o Jesus kowa shunas, penas lo: “Kau nasslepen was gar ap leste, te merell lo. Job was nasselo, te dikenn tumer, hawi bari soor o Debles hi, un te well o Debleskro tchawo sharedo.”

Johanni 2:11

Kowa his o ersto kopo, kai kras o Jesus i baro koowa an o Debleskri soor. Kowa kras lo an o gab Kana an o them Galilea. Kote sikras job peskro railepen un peskri soor. Un leskre mala patsan ap leste.

Jesaja 65:8

Kawa penell o baro Dewel: Jaake har kek hacho peskre drake tele dell un krik witsrell, kai gomme mool an lende hi, jaake kamau me ninna te krell mire menshentsa, te mukap len gar lauteren te marell. Hi sawe mank lende, kai mange koi hi.

Jesaja 54:15

Dik, ninna te djan le ap tute pre, well kowa gar mandar. Koon kurell pes tuha, kowa well dino un perell.

1. Johanni 5:13

Me tchinom tumenge, te djinenn tumer, kai tumen ko djipen hi, hoi gar pre-herella. Ko djipen hi kolenge, kai ap o Debleskro tchaweste patsenna.

2. Korintarja 4:15

Kowa lauter, hoi lah ap mende, krah tumenge. Mer kamah, te well o Debleskro kamlepen pash bud menshende prindjedo, te parkrenn pen bud un budeder pash leste, un sharenn les.

Debleskri gili 105:14

Un o Dewel das jak, te taprell len kek an. Un i bare rajen pral kol themma das lo trad un penas lenge:

1. Mose 39:5

Ap ko tsiro, har o Egiptari Potifar das peskro kheer un halauter, hoi leskro his, an o Josefeskre wasta, tchiwas o baro Dewel peskri soor un peskri bacht ap i menshende an o Potifareskro kheer. Jaake rah har o Josef koi his, his o baro Debleskri soor un peskri bacht ap halauter, hoi les his an o kheer un ap o them.

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

Johanni 11:14

Kanna penas o Jesus lenge an o mui: “O Lazaro meras.

Johanni 11:16

Penas o Thomas, koles dan le ninna Didimo gole, ap leskre malende: “Awenn, mer djah ninna leha, te meras leha!”