Johanni 10:16 - O Debleskro Drom 2021 (Sinte)

¹⁶ Man hi ninna wawar bakre. Kolla hi kate gar khere. Kolen anap halauter kate. Jon shunenn ap miro rakepen, un me anau len khetne i wawarentsa. Un len hi jek bakrengro.

O Debleskro Lab 2024 (Sinte-Manouche)

¹⁶ Man hi ninna vavar bakre. Kolla hi kate gar khere. Kolen anap halauter kate. Yon shounenn ap miro rakepen, oun me anau len khetne i vavarentsa. Oun len hi yek bakrengro.

Johanni 10:16 Referans Kwoze

Jesaja 56:8

O baro Dewel, maro rai, kowa kai anas i krik-tradede Israelitarjen pale an lengro them, penell: Me anau gomme budeder khetne pash kolende, kai khetne anlo wan.

1. Petro 2:25

Tumer hans har bakre, kai nashran pen. Kanna anas tumen o Jesus Kristo pale ap o tchatcho drom. Job hi tumenge har i bakrengro, un dell garda ap tumende.

Johanni 11:52

un gar i biboldenge kokres. Job hunte merella ninna, te anell lo i tsele Debleskre tchawen khetne.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

Johanni 6:37

Halauter kolla, kai dell man o dad, wenn pash mande. Un halauter kolla, kai wenn pash mande, kolen witsrau me gar win.

Johanni 10:27

Mire bakre shunenn ap miro rakepen. Un me prindjrau len. Un jon djan mange palla.

Johanni 10:11

Me hom o latcho bakrengro. O latcho bakrengro mukell peskro djipen i bakrenge.

Debleskro tsiro 3:20

Dikenn, me hom glan o wudar tardo, un dau ap ko wudar. Koon shunell, hoi me penau, un krell mange o wudar pre, pash koleste djau me dren, un chau leha, un job chal mantsa.

1. Petro 2:10

Glan i rah tsiro hans tumer gar leskre menshe. Kanna han tumer o Debleskre menshe. Glan i rah tsiro djinan tumer gar, kai hi les i baro dji tumenge. Kanna kras lo peskro dji tumenge pre.

2. Tessalonikarja 2:13

Mire phrala, mer hunte parkras men tumenge pash o Debleste hako tsiro. Maro rai Jesus kamell tumen o djijestar. Glan i rah tsiro, har o Dewel kras o bolepen un i phub, rodas lo tumen win, te djiwenn leha khetne an leskro railepen. Har patsan tumer leskro tchatcho lab, das lo peskro Ducho an tumende. Un kowa krell, te djiwenn tumer i djudjo djipen glan leste.

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Debleskri gili 86:9

I tsele natsjone, kolen tu kral, kolla wenna un mangenn tut an, maro rajes, un sharenn tiro railepen.

Bičepangre 22:14

Palle penas lo ap mande: “Ko Dewel mare dadendar rodas tut win, te djiness tu, hoi job kamella, un te dikess tu koles, kai hi kek tchilatchepen an leste, un shuness, hoi job penella.

Bičepangre 18:10

Me hom pash tute un kek nai dukrell tut. An kau foro hi bud menshe, kai kamenna ap mande te patsell.”

Bičepangre 15:14

O Simon ginas menge dren, hoi o Dewel lauter kras, te wenn ninna kolla, kai kek bibolde hi, leskre menshe, un te wenn le leske koi.

Zakarie 2:11

Stenn pre, tumer menshe dran Zion, kai djiwenn an o them Babilonia, nashenn tumenge!”

Ezekiel 37:22

Un me krau lendar, te wenn le jek natsjona an o them, ap i berge Israel. Un jek rai kokres well pral lende halauter rai. Un jon hi buder gar dui natsjone an dui themma dui rajentsa.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 43:6

Ap i rajende pral i themma, hoi hi serwes un tchatches tutar, penau: De kai! Ma rike len pale! Anenn mire tchawen un tchen fun dural, anenn len dran i palstune themma i phubjatar!

Sikepaskro 12:11

I laba, hoi i gosewe rakrenna, hi har subja. Un kowa, hoi le penenn, djal dur an o mensheskro dji. Kowa, kai rakras len, hi har i bakrengro, kai dell garda ap peskre bakre.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.

Johanni 10:2

O bakrengro djal an o wudar dren, te well lo pash lende.

Jesaja 11:10

Ap ko diwes well i mursh dran o Davideskro kheer, har i tikno ruk dran i draba i tele-dino rukestar, un well i sikepen i tsele menshenge ap i phub. Menshe dran wawar themma putchenn pal leste. Un leskro foro, kai job djiwell, well pherdo railepen.

1. Petro 5:4

Un ap ko diwes, kai well o pralstuno bakrengro, lenn tumer leskro railepen, hoi atchella hako tsireske.

Ezekiel 34:6

Jon nashan trujel ap i tsele tikne un bare berge, un hi buder gar khetne. Kate te kote an o tselo them hi le. Un kek hi koi, kai pal lende putchell un len rodell.

Ezekiel 34:12

Jaake har i bakrengro, kai pash peskre bakre hi, kolen rodell, kai nashran pen, jaake rodau me mire bakren, un lau len pale dran haki platsa, kai le tradedo wan ap ko djungelo kalo diwes.

Johanni 10:3

Leske krell kowa o wudar pre, kai dell garda glan o wudar. Un leskre bakre shunenn leskro rakepen. Un job dell peskre bakren gole lengre labentsa, un anell len win.

Johanni 10:4

Te hi leskre tsele bakre win, djal job glan lende. Un i bakre djan leske palla. Jon prindjrenn leskro rakepen.

Johanni 10:5

Jekes, kai prindjrenn jon gar, koleske djan jon gar palla. Jon nashenn penge lestar. Jon prindjrenn gar leskro rakepen.”

Johanni 17:20

Me mangau gar lenge kokres. Me mangau ninna kol menshenge, kai shunenna, hoi jon mandar penenna, un dran kowa ap mande patsenna.

Remarja 11:25

Mire phrala, me kamau tumenge i baro tchatchepen te penell, hoi djinenn i menshe gar. Te djinenn tumer kowa, palle penenn tumer gar: “Har gosewo ham mer!” Tumer hunte djinenn, hoske hi bud bibolden i dji dran bar, un patsenn gar ap o Jesus Kristeste. Kowa atchella jaake rah, bis te wan kol tsele menshe dran i wawar themma ap o Jesuseskro drom, kolendar o Dewel kamell, te wenn le pash leste.

Louka 15:8

Te hi i djuwjat deesh rupene beme, un nashrell jek, krell li i momeli an, un rodell koi bema an o tselo kheer jaake rah, bis te hatsell li lat.