Johanni 10:11 - O Debleskro Drom 2021 (Sinte)

¹¹ Me hom o latcho bakrengro. O latcho bakrengro mukell peskro djipen i bakrenge.

O Debleskro Lab 2024 (Sinte-Manouche)

¹¹ Me hom o lačo bakrengro. O lačo bakrengro moukell peskro djipen i bakrenge.

Johanni 10:11 Referans Kwoze

Johanni 15:13

Kekes hi bareder kamlepen har kowa, kai merell peskre malenge.

Debleskri gili 23:1

I gili o Davidestar. O baro Dewel dell jak ap mande har i bakrengro dell jak ap peskre bakre. Man hi lauter, hoi man hunte well djipaske.

Debleskro tsiro 7:17

O terno bakro, hoi mashkral o Debleskro beshepaskro hi, kowa dell jak ap lende, har i bakrengro rai ap peskre bakre jak della, un anell len pash o pani, hoi o djipen della. Un o Dewel khossell hake swa ap lengre jaka tele.

Jesaja 40:11

Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

1. Johanni 3:16

O Jesus sikras mende, har o Debleskro kamlepen hi. Job mukas peskro djipen menge. Jaake mukas mer ninna maro djipen i patslenge.

2. Samuel 24:17

Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.

Ezekiel 34:23

Un me mukau jek bakrengro lenge pre te stell, kai dell jak ap lende. Kowa well dran i familja o Davidestar, un hi har o David miro budepaskro. Job well lengro bakrengro un dell jak ap lende.

Ezekiel 37:24

Un jek dran i familja o Davidestar, kai hi har o David miro budepaskro, well lengro baro rai. Job well i bakrengro kolenge halauterenge, un dell jak ap lende. Un jon djiwenn pal mire tchatchepaskre laba un krenn, hoi lendar kamau.

1. Petro 5:4

Un ap ko diwes, kai well o pralstuno bakrengro, lenn tumer leskro railepen, hoi atchella hako tsireske.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Mateo 20:28

Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Micha 5:4

Un job anell lenge i latcho tsiro. Te wenn i lurde dran o them Assur an maro them, un phagenn an mare khera dren, tchiwah mer sorele pralstunen un rajen pre, te rikrenn le len pale.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

Ezekiel 34:2

Tu, mensho, pen i pralstunenge pral Israel glan-wi, hoi pral lende wella! Pen lenge: Kawa penell o baro Dewel, maro rai: Djungeles djal tumenge! Tumer han i bakrengre mire menshenge, un hunte anans i Israelitarjen har bakre kote, kai hatsenn le latcho senlepen. Kowa krenn tumer gar. Tumer dikenn kokres ap tumende, te djal tumenge mishto.

Johanni 10:2

O bakrengro djal an o wudar dren, te well lo pash lende.