Johanni 10:10 - O Debleskro Drom 2021 (Sinte)

¹⁰ Ko tchorepaskro wella, te tchorell lo kol bakren, te marell lo len, un te chal lo len. Me wom, te dap len o djipen, budeder har doha.

O Debleskro Lab 2024 (Sinte-Manouche)

¹⁰ Ko čorepaskro vella, te čorell lo kol bakren, te marell lo len, oun te rhal lo len. Me vom, te dap len o djipen, boudeder har doha.

Johanni 10:10 Referans Kwoze

Louka 19:10

O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.”

Johanni 6:51

Me hom ko maro, hoi dell o djipen, un hoi was dran o bolepen. Hakeno, koon chala kau maro, lell o djipen, hoi gar pre-herella. Un ko maro hi miro mass. Me dau les i menshenge, te lenn le ko djipen.”

Johanni 12:47

Te shunell jek mire laba un krell gar, hoi me penom, hom gar me, kai rakrau i phagi pral koleste win. Me wom gar ap i phub, te dap i menshen i phagi. Me wom, te lap len dran o tchilatchepen un o merepen win.

Johanni 6:33

O Debleskro maro hi kowa, kai was dran o bolepen, un dell i menshen o djipen.”

Johanni 3:17

O Dewel bitchras peskro tchawes gar ap i phub, te anell job o Debleskri choli pral i menshende. Job was, te lell lo len dran o tchilatchepen un o merepen win.

1. Timoteo 1:15

Hi tchatcho, hoi kanna penau. Un tumer nai patsenn man: Maro rai, o Jesus Kristo, was ap kai phub, te anell lo kolen ap o drom pash o Debleste, kai dur lestar an o tchilatchepen djiwenna. Kolendar hom me o djungleder.

Johanni 10:1

“Tchatchepah, me penau tumenge: Koon gar an o wudar dren djala, te well lo pash i bakrende, un well wawartchandes dren, kowa hi i tchorepaskro un i dre-phagepaskro.

Mateo 20:28

Ninna o Mensheskro Tchawo was gar ap i phub, te budrenn i menshen leske. Na-a. Job was ap i phub, te well lo lenge koi, un te merell lo budenge. Un jaake lell lo len dran o tchilatchepen un o merepen win.”

Hebrearja 7:25

Doleske nai krell lo, te djal kek kolendar nashedo, koon job pash o Debleste anas. Job djiwell hako tsireske, un mangell o Debles lenge.

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

2. Petro 1:11

Un o Dewel lell tumen latches pash peste an o bolepen pre, kai hi maro rai, o Jesus Kristo, o rai hako tsiro, – job, kai las men dran i tseli bibacht win.

Hebrearja 6:17

Har das o Dewel peskre menshen peskro lab, das lo ninna peskro wast koi pre. Jaake sikras lo len, te dell lo len tchatchepah kowa, hoi job lenge penas.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Remarja 2:21

Hoi te penap tumenge? Tumer sikrenn i wawarende o Debleskro drom. Un tumenge kokres penenn tumer gar: ‘Djas ap o Debleskro drom!’ Tumer penenn i wawarenge: ‘Ma tchorenn!’ Un tumer kokres tchorenn.

Hosea 7:1

Hako kopo, kai kamau mire menshenge lauter pale mishto te krell, palle sikrell pes, hawi doosh o Efrajim ap peste anas, un har baro o tchilatchepen kol menshendar an o foro Samaria hi. Jon hi chochepangre. Tchorepangre phagenn an i khera dren. Un randepangre tchorenn i menshen win ap o drom.

Mateo 18:10

Ma tchiwenn kol tiknen ap i rig, har te wans le tchi moldo. Me penau tumenge: I bolepangre, kai ap lende jak denna, kolla nai djana hako tsiro glan miro dadeste an o bolepen, te mangenn le les lenge.

Markus 11:17

Un job penas lenge, hoi an o Debleskro lab tchinlo hi, un penas: O Dewel penella: Miro kheer te well i kheer, kai i tsele menshe ap i phub nai wenna, te sharenn le man, un te mangenn le man an. Tumer kran lestar i kheer, kai i menshe chochenna un randenna.

Johanni 12:6

Job penas kowa gar, te krell lo i tchorwelenge latcho koowa. Job his i tchorepaskro. Kol tsele lowe, hoi i menshe lende dan, his pash leste. Un job las peske kol lowendar tchomone krik.

Mateo 21:13

Un job penas ap kol tsele menshende: “O Dewel penas: Miro kheer te well i kheer, kai sharenn man i menshe un mangenn man an. Tumer kran lestar i kheer, kai i menshe chochenna un randenna.”

Johanni 5:40

Pash mande kamenn tumer gar te well, te lenn ko djipen, hoi gar pre-herella.

Johanni 10:11

Me hom o latcho bakrengro. O latcho bakrengro mukell peskro djipen i bakrenge.

Mateo 18:11

O Mensheskro Tchawo was ap i phub, te anell lo kolen ap o Debleskro drom pale, kai nashedo hi.