Johanni 1:51 - O Debleskro Drom 2021 (Sinte)

⁵¹ Kowa hi tchatcho, hoi me tumenge penau: Tumer dikenn har o bolepen pre djala. Un o Debleskre bolepangre djan pral un wenn pale tele ap o Menshengro Tchaweste.”

O Debleskro Lab 2024 (Sinte-Manouche)

⁵¹ Kova hi čačo, hoy me t'menge penau: T'mer dikenn har o bolepen pre djala. Oun o Debleskre bolepangre djan pral oun venn pale tele ap o Menshengro Čaveste.”

Johanni 1:51 Referans Kwoze

1. Mose 28:12

Koi das lo suni: Job dikas i treppa ap i phub tardo. Koja djas bis an o bolepen. Un o Debleskre bolepangre djan pre un tele.

Bičepangre 7:56

Un o Stefano penas: “Me dikau o bolepen pre, un o Menshengro Tchawes ap i tchatchi rig o Deblestar tardo.”

Louka 22:43

Un i Debleskro bolepaskro was pash leste dran o bolepen un das les soor.

Louka 2:13

Ap jek kopo his pash ko bolepaskro bud wawar bolepangre. Un jon sharan o Debles, un penan:

Markus 14:62

“Me hom kowa,” penas o Jesus, “un ko diwes wella, kai dikenn tumer o Menshengro Tchawes, har hi lo beshdo ap i tchatchi rig o sorelo Deblestar, un har well lo an i wolke dran o bolepen.”

Markus 1:10

Un har o Jesus pes dran o pani hadas, dikas lo, kai djas o bolepen pre, un o Debleskro Ducho was har i parno tchirklo ap leste tele.

Mateo 3:16

un taufras o Jesuses. Har o Jesus dran o pani pral djas, djas o bolepen pre. Un job dikas o Debleskro Ducho har i parno tchirklo ap peste tele te well.

Ezekiel 1:1

An o 30. (triin-deshto) bersh djiwom khetne wawar menshentsa, kai pandles krik anlo wan, pash ko lengsto pani, hoi kharell Kebar. An o starto tchon ap o pantchto diwes an ko bersh djas o bolepen pre, un o baro Dewel sikras pes mande.

Bičepangre 10:11

Job dikas, har o bolepen pre djas un tchomone pral tele was ap i phub. Kowa his har i bari plachta. Koja was ap hake star rigja rikedo.

Louka 3:21

Ap ko tsiro, kai taufras o Johanni kol tsele menshen, was ninna o Jesus pash leste, un mukas pes lestar te taufrell. Un har o Jesus o Debles an-mangas, djas o bolepen pre.

Mateo 4:11

Koi djas peske o beng. Un bolepangre wan pash o Jesuseste, un his leske koi.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.

Debleskro tsiro 4:1

Pal kowa dikom i wudar an o bolepen, hoi pre hi. Un kowa, kai ap mande rakras, un leskri gole sorelo har i phurdepaskri his, kowa penas ap mande: “Ab kate pre! Me sikrau tut, hoi pal kawa wella.”

2. Tessalonikarja 1:7

Tumer, kai wenn kanna palla lino, tumen dell lo i bari bacht. Kowa dell lo tumen mentsa khetne ap ko diwes, kai well maro rai Jesus pale dran o bolepen, un lauter dikenn les. Leskre sorele bolepangre wenn leha,

Louka 2:9

Ap jek kopo his glan lende o Debleskro bolepaskro tardo. Un o Debleskro railepen his trul lende. Un i bari daar was ap lende.

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

Johanni 10:1

“Tchatchepah, me penau tumenge: Koon gar an o wudar dren djala, te well lo pash i bakrende, un well wawartchandes dren, kowa hi i tchorepaskro un i dre-phagepaskro.

Louka 22:69

Ko tsiro well sik, kai me, o Mensheskro Tchawo, hom beshdo ap i tchatchi rig o sorelo Deblestar.”

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen

Johanni 14:12

Tchatchepah, me penau tumenge: Koon ap mande patsella, krell ninna kowa, hoi me krau. Un job krell bareder koowa har me, kanna, kai djau me pash o dadeste.

Johanni 6:47

Tchatchepah, me penau tumenge: Koon ap mande patsella, koles hi o djipen, hoi gar pre-herella.

Louka 24:4

Har jon koi tardo his, un djinan gar, hoi te krenn le, his kote ap jek kopo dui mursha tardo. Un lengre ripja his railes bijalo.

Mateo 26:24

O Mensheskro Tchawo hunte merella, jaake har hi lestar tchinlo an o Debleskro lab. Hawi bibacht well ap koleste, kai ap leste phukrella! Koleske wals feteder, te wals lo gar boldo.”

Johanni 21:18

Tchatchepah, me penau tuke: Har tu terno hals, pandal tu tiri dori kokres trul tiro ripen, un djal kote, kai tu kamal. Te wal tu phuro, rikreh tu tire wasta glan tute, un i wawar pandell tire wasta khetne, un anell tut kote, kai tu gar kameh te djal.”

Johanni 8:51

Tchatchepah, me penau tumenge: Te hi jek koi, kai krella, hoi me penom, kowa merell buder gar.”

Johanni 6:32

Penas o Jesus: “Tchatchepah, me penau tumenge: Hi gar o Mose, kai das tumen o maro dran o bolepen. Kowa hi miro dad, kai dell tumen ko tchatcho maro dran o bolepen.

Johanni 3:5

Penas o Jesus ap leste: “Tchatchepah, me penau tuke: Te well jek gar newes boldo dran o pani un dran o Debleskro Ducho, nai djiwell lo gar khetne o Debleha.

Johanni 16:20

Tchatchepah, me penau tumenge: Well i tsiro, kai tumer rowenna, un denn i wasta pral o shero khetne. Un i menshe, kai gar ap mande patsenna, hi bachtelo. Ninna te rowell tumaro dji ap ko diwes, djinenn: Tumaro ropen well tumendar krik lino, un tumer wenna bachtelo.

Johanni 13:16

Tchatchepah, me penau tumenge: I budepaskro hi gar bareder har leskro rai. Un jek, kai was bitchedo, hi gar bareder har kowa, kai les bitchras.

Johanni 10:7

Doleske penas o Jesus pale ap lende: “Tchatchepah, me penau tumenge: Me hom o wudar i bakrenge.

Johanni 6:53

Koi penas o Jesus ap lende: “Tchatchepah, me penau tumenge: Te chan tumer gar o Menshengro Tchaweskro mass, un pijenn gar leskro rat, hi tumen gar o djipen, hoi gar pre-herella.

Johanni 5:27

Job hi o Mensheskro Tchawo. Un o Dewel das an leskro wast, te rakrell lo i phagi win pral i menshende.

Johanni 5:19

O Jesus penas ap lende: “Tchatchepah, me penau tumenge: O tchawo nai krell tchi pestar. Job dikell, hoi o dad krella. Un kowa, hoi krell o dad, kowa krell ninna o tchawo.

Johanni 3:3

Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”

Mateo 9:6

Me kamau, te djinenn tumer, o Menshengro Tchawes hi koi soor ap i phub, te nai lell lo i doosh i menshendar.” Doleske penas job ap ko mursheste, kai nai nashell gar: “Ste pre, le tiro tchiben un dja khere!”

Mateo 8:20

Penas o Jesus ap leste: “I diwje djuklen hi i tchiben an i phub, kai sowenn le. Un i tchirklen hi tikne khera ap i ruka. Me, o Mensheskro Tchawo, man hi tchi, kai nai tchiwap man tele, te sowap.”

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Johanni 16:23

Ap ko diwes, putchenn tumer mandar tchi. Tchatchepah, me penau tumenge: Te mangenn tumer miro dadestar tchomone an miro lab, kowa dell job tumen.

Johanni 13:38

“Tu kameh mange te merell?” putchas o Jesus lestar. “Tchatchepah, me penau tuke: O bashno dell gar gole jaake rah, har tu man gar triin kope buchoste dal.”

Johanni 8:58

Penas o Jesus ap lende: “Tchatchepah, me penau tumenge: O Abraham his gomme gar boldo, koi homs me koi.”

Johanni 8:34

Penas o Jesus: “Tchatchepah, me penau tumenge: Koon o tchilatchepen krella, hi pandlo ap o tchilatchepen.

Johanni 6:26

Penas o Jesus: “Tchatchepah, me penau tumenge: Tumer rodan man gar doleske, kai dikan i baro koowa, hoi krom an o Debleskri soor. Tumer chan ko maro, un wan tchalo. Doleske rodenn tumer man.

Johanni 1:50

Penas o Jesus ap leste: “Me penom tuke: Me dikom tut tel ko ruk. Doleske patseh tu. Tu dikeh bareder koowa, har kawa.