Joel 2:21 - O Debleskro Drom 2021 (Sinte)

²¹ Tu them, ma dare! Ab bachtelo un giw koleske, hoi o baro Dewel tuke lauter kras.

O Debleskro Lab 2024 (Sinte-Manouche)

²¹ Tou them, ma dare! Ab barhtelo oun giv koleske, hoy o baro Devel touke lauter kras.

Joel 2:21 Referans Kwoze

Jesaja 54:4

Ma dare! Tu weh gar wi-ladjedo koi tardo! Mukau kekes, te sal lo pral tute. Doleske ma ladj tut! Tu bistreh koi ladj, hoi ap tute his, har terno hals. Un ko tsiro, har tiro rom meras, well tuke buder gar an o shero.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jeremia 33:3

Khare man, palle kamau tuha te rakrell, un kamau tuke baro koowa te sikrell, hoi tu gar haiweh, un kolestar tchi djinal.

Jesaja 35:1

Bachteles well ko them, hoi kanna tato un mulo hi. Un o diwjo truk them sal, un lauter an leste djiwell pre un anell blume win.

1. Samuel 12:16

Kanna dikenn, hawo baro koowa o baro Dewel glan tumare jaka krella!

Zakarie 8:15

Kanna kamau latchepen te krell ap o foro Jerusalem un ap o kheer Juda. Doleske ma darenn!

Joel 2:20

Un me tradau kol bud lurden krik tumendar, kai wenn koi rigjatar, kai norden hi. Kolla lendar, kai djan glanstunes, tradau an o Mulo Baro Pani, un kolla, kai wenn palstunes, tradau an o Mashkralstuno Baro Pani; un i tsele wawar lurden tradau an i diwjo tato them. Kote merenn le. Un lengri khand djal pre. Jaake lenn le pengri phagi ko bud tchilatchepaske, hoi le kran.

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.

5. Mose 4:32

Rakrenn pral ko phuro tsiro, har tumer gomme gar koi hans, har o Dewel o menshes ap kai phub kras. Rodenn ap i tseli phub: Was sau baro koowa diklo un shunlo,

Debleskri gili 98:8

Tumer bare lengste panja, denn an i wasta! Tumer berge, giwenn i bachtjatar

1. Mose 15:1

Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

Hosea 2:21

Israel, tu weh miri romni hako tsireske. Me djau tuha trujel, har mishto un tchatcho hi. Me hom latches ap tute, un krau miro dji pre tuke.

Jesaja 44:23

Tu bolepen, gib kolestar, hoi o baro Dewel kras! Tu telstunepen i phubjatar, de gole i bachtjatar! Tumer berge, giwenn! Tu weesh tire tsele rukentsa, gib! O baro Dewel las o Jakobes dran o merepen win, un o Israel sharell les.

Jesaja 55:12

Tumer djan bachteles win an o latchepen, un kek rikrell tumen pre. I bare un i tikne berge denn gole i bachtjatar, te dikenn le tumen. Un i ruka an o weesh denn an pengre wasta.

Debleskri gili 71:19

Miro Dewel, tiro tchatchepen djal bis pash o bolepen. Tu, kai kreh baro koowa, koon hi jaake har tu, miro Dewel?

Joel 2:26

Tumen well doha chapaske, un tumer sharenn o baro Debles, kai tumaro Dewel hi, un kras bud sorelo koowa mank tumende. Un tumer, mire menshe, wenn buder gar praassedo.