Jesaja 9:4 - O Debleskro Drom 2021 (Sinte)

⁴ I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

O Debleskro Lab 2024 (Sinte-Manouche)

⁴ I lourdengre kirrha, kolentsa i lourde phares pre stakran oun lengre baya, kay rat ap lende hi, venn an i yag vitsedo oun rhačrenn pre.

Jesaja 9:4 Referans Kwoze

Jesaja 14:25

Me dau i Assirjen an miro them, ap mire berge stakrau len khetne, te nai rikrenn le buder gar mire menshen tele, un krenn lenge buder gar i pharo djipen.

Jeremia 30:8

O baro Dewel, ko rai pral o bolepen un i phub penell: An ko tsiro phagau ko kasht, hoi hi trul lengre menja, un lau i shelle tele, hoi rikrenn len pandles. Jon hunte budrenn buder gar wawar menshenge,

Nahum 1:13

Kanna phagau koi soor, hoi i Assirjen pral tumende hi, – koi soor, hoi har ko kasht hi, hoi i grumjat trul peskri meen hi. Un kol shelle, hoi pandenn tumen, tchinau paash.

Jesaja 54:14

An o tchatchepen weh tu soreles tardo. Tu hunte daress kekestar, te rikrell lo tiro djipen phares. Un tu hunte daress kek bibacht. Kaja nai well gar pash tute!

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

3. Mose 26:13

Me, o baro Dewel, hom tumaro Dewel, un anom tumen dran o them Egiptia win, te atchenn gar buder lengre pandle budepangre. Kote hans har grumja, kai hunte budrenn i kashteha trul lengri meen. Ko kashtes phagom me, te nai djan pale pre hadede sherja.

1. Mose 27:40

Tu djiweh kolestar, hoi tiro charo anella tuke, un hunte budress tiro phraleske. I diwes wella, kai hadeh tut ap leste, un mukeh les buder gar rai pral tute te well.

Jesaja 10:5

Hawi bibacht well ap i menshende an o them Assur! Har homs chojedo ap o Israel, his i Assirja har i kasht an miro wast, koleha i Israelitarjen dom.

Debleskri gili 125:3

I tchilatche atchenn gar i raja pral o them kolendar, kai an o tchatchepen tardo hi. Te wals jaake, nai krans kolla ninna o tchilatchepen.

Jesaja 51:13

Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

Jesaja 47:6

Me homs chojedo pral mire menshende, un tchiwom len pale mandar, har te wans le buder gar mire, un dom len an tiro wast. Un tut his kek dji lenge. Ninna ap i phurende tchiwal tu tiro pharo wast un dal len phari budi.

Debleskri gili 81:6

Kowa penas o Dewel o Josefeskre menshenge, har djas lo an o kurepen khatar i Egiptarja. Shunau i rakepen, hoi me gar prindjrom:

Jesaja 9:5

I ternepen was menge boldo, i mursh tchawo was men dino. Kowa well i baro rai, un kharell: latcho rakepaskro, sorelo Dewel, dad-hako-tsireske, rai-kai-lell-o-kurepen-krik.

Jesaja 16:4

Muk kolen, kai dran o them Moab tradedo wan, pash tute te djiwell. Khate len glan lende, kai len palla lenn.” Ko tsiro well, kai kek buder tele rikedo well, kai o them buder gar paash dino well, un kolla, kai o them khetne stakran, gar buder hatslo wenn.

Jesaja 52:2

Jerusalem, ste pre dran i tchik! Trissle koi tchik tele! Un besh tut ap i rajeskri beshepaskri! Witse kol shelle tele, hoi trul tiri meen pandlo hi, tu stildi tchai Zion!

Jeremia 48:17

Tumer halauter, kai djiwenn trul o them Moab un han leskre mala, awenn, un denn i ropaskri gole un penenn: Hawi grecha! O Moabeskri soor un leskro railepen hi phagedo!

Jesaja 10:16

Doleske bitchrell o baro Dewel, ko rai pral o bolepen un i phub, i nasslepen ap i pesse menshende an o them Assur, hoi chal len pre. Un i jag chatchrell lengro brawlepen pre.