Jesaja 8:4 - O Debleskro Drom 2021 (Sinte)

⁴ Glan te nai dell o ternepen gole ‘tata’ un ‘mama’, mukell o baro rai pral Assur o tselo brawlepen dran Damaskus un o tselo kutch koowa dran Samaria krik hidjrell.”

O Debleskro Lab 2024 (Sinte-Manouche)

⁴ Glan te nay dell o ternepen gole tata oun mama, moukell o baro ray pral Assour o tselo bravlepen dran Damaskus oun o tselo kouč koova dran Samaria krik hidjrell.”

Jesaja 8:4 Referans Kwoze

Remarja 9:11

Har i tchawe gomme gar boldo his, penas o Dewel lake: I tsiro wella, kai budrell o phureder tchawo o terneder tchaweske. Har job kowa penas, kras kek lendar i latcho koowa, witar kek tchilatcho koowa. Jaake dikah, lauter wella, har o Dewel kamella. Te rodell lo jekes win, krell lo kowa jaake, har job kamella. Job dikell gar ap kowa, hoi jek kras.

Jona 4:11

Un man te khaitenn gar kol tsele menshe an o foro Ninive? Kate djiwenn budeder har 120.000 (sheel-te-biish-serja) menshe, kai gar djinenna, hoi latcho un tchilatcho hi, un koi pashel bud vieche!”

2. Rajengro liil 17:3

Un o baro rai pral o them Assur, o Salmanassar, was peskre lurdentsa pral leste. Un i Israelitarja wan dino. Un o Hoshea hunte das leske hako bersh rup un sonakai.

2. Rajengro liil 16:9

Un o baro rai pral o them Assur shunas ap leste un djas pral pash o foro Damaskus un las les dren. Un mukas kol menshen, kai kote djiwan, pandles krik te anell an o foro Kir, un maras o baro rajes Rezin.

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

5. Mose 1:39

Palle penas o baro Dewel ap mende lauterende: “Tumer penan: ‘Mare tchawe perenn kolenge an i wasta, kai hi chojedo ap mende.’ Me penau tumenge: Jon, kai kau diwes gomme gar djinenn, hoi mishto un hoi tchilatcho hi, hi kolla, kai wenn an o them dren, te lenn le les dren.

Jesaja 17:3

Trul i forja an Israel hi buder kek massurja. Un o foro Damaskus hi kek rajeskro foro buder. Kol Syrarja, kai atchenn djido, lenge djal jaake har i Israelenge. Lengro railepen atchell gar. Kowa penell o baro Dewel, ko rai pral o bolepen un i phub.

Jesaja 8:5

Un o baro Dewel rakras pale ap mande un penas:

Jesaja 17:1

Kate sikrell o Dewel, hoi pral o foro Damaskus wella: I tsiro well sik, kai o foro Damaskus buder kek foro hi. Lestar atchell tchi har tele phagede barra.

Amos 1:3

O baro Dewel penell: I menshe an o foro Damaskus kran pale te pale djungelo koowa. Baro tchilatcho koowa kran le ap i menshende an Gilead. Doleske lenn le pengri phagi, un khaitenn man gar.

Jesaja 28:4

Un ko railepen kol pralstunendar hi har i bluma, hoi merell tele, un hi buder gar koi. Lenge djal har i faige, kai wan glan lengro tsiro bares. Jaake sik har jek len dikell, hi le an leskro wast un job chal len pre.

Amos 1:5

Me phagau i bare wudja o forestar Damaskus paash, un mukau i rajen dran Bikat-Awen un Bet-Eden mulo te dell. Un i menshe dran o them Syria wenn pandles krik anlo an o them Kir. Ko penell o baro Dewel.