Jesaja 8:21 - O Debleskro Drom 2021 (Sinte)

²¹ Un jon djan an o them trujel, phares dino un bari bokah. Un palle, te hi len bari bok, taprell len i choli, un jon praassenn pengro themeskro rajes un pengro debles. Un jon dikenn pre an o bolepen

O Debleskro Lab 2024 (Sinte-Manouche)

²¹ Oun yon djan an o them trouyel, phares dino oun bari bokah. Oun palle, te hi len bari bok, taprell len i rholi, oun yon praasenn pengro themeskro rayes oun pengro debles. Oun yon dikenn pre an o bolepen

Jesaja 8:21 Referans Kwoze

Jesaja 9:20

I menshe dran o kheer Manasse perenn ap kolende dran o kheer Efrajim, un kolla dran Efrajim ap kolende dran Manasse. Un kol dui khetne djan ap i menshende dran Juda. Un pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Gosewe laba 19:3

O mensheskro dinlepen anell les ap i drom, kai nashrell lo pes. Un palle dell lo o baro Debleste i doosh.

Jeremia 52:6

Ap o enjato diwes an o starto tchon was i bok bares an o foro, un i menshen his buder tchi te chal.

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Hiob 2:9

Kote penas leskri romni ap leste: “Rikreh tu gomme ap tiro patsepen? Pen tut o Deblestar tele un mere!”

Hiob 2:5

Hade tiro wast un tape leskre kokale un leskro mass an! Palle dikeh, te praassell lo tut glan hake menshende!”

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

2. Rajengro liil 25:3

Ap o enjato diwes an o starto tchon was i bok bares an o foro, un i menshen his buder tchi te chal.

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

2. Rajengro liil 6:33

Har job lentsa an o rakepen his, was o baro rai pash leste un penas: “O baro Dewel anas kai bibacht pral mende. Har nai dikau me kanna ap leste, te lell lo men koi win?”

1. Samuel 8:18

Palle te well ko diwes, kai denn tumer gole pral tumaro baro rajeste, koles tumenge win rodan, palle shunell tumen o baro Dewel gar an kol diwessa.”

Hiob 18:12

I bok lell leske leskri soor krik. I bibacht hi tardo pash leste, har te wals li leskro maal.

Jesaja 14:30

I tchorwelen mire menshendar hi doha te chal. Un kolen, kai tchi hi, nai tchiwenn pen tele kek darjah. Tumen, Filistarja, mukau i bokatar te merell. Un hoi tumendar pral atchell, dau mulo.

Jesaja 51:19

Kal dui koowa wan ap tute: Tiro them was paash dino un tire forja tele-phagedo. Bud tire menshendar meran i bokatar un an o kurepen. Un kek hi koi, te rowell lo tuha, te penell lo tuke latche laba.

Jesaja 59:9

Doleske dell men o Dewel gar maro tchatchepen, un leskro latchepen well gar ap mende. Hoske bitchrell lo menge kek momeli? Lauter, hoi dikah, hi kali rat. Kaana djal menge o kham pre? An o pessester kalepen nashah mer trujel.

Jesaja 65:13

Doleske penell o baro Dewel, maro rai: An ko tsiro, kai tumer bokenn, hi mire budepangren chapaske. An ko tsiro, kai tumer trushenn, hi mire budepangren doha te pijell. An ko tsiro, kai han an i ladj, hi mire budepangre an i bacht.