Jesaja 7:18 - O Debleskro Drom 2021 (Sinte)

¹⁸ An ko tsiro phurdell o baro Dewel an i tikni phurdepaskri: Un lurde wenna dran o them Egiptia har matsille, un dran o them Assur har biene.

O Debleskro Lab 2024 (Sinte-Manouche)

¹⁸ An ko tsiro phourdell o baro Devel an i tikni phourdepaskri: Oun lourde venna dran o them Egiptia har matsille, oun dran o them Assour har bine.

Jesaja 7:18 Referans Kwoze

Jesaja 5:26

Un job bitchrell i sikepen i menshenge an i them, hoi dur krik hi. Un job sholell, te wenn le dran o palstuno i phubjatar. Dik, kote wenn le – jaake sik har djala!

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

Josua 24:12

Me krom, te lan le bari traash tumendar. Jaake tradom len glan tumende win, har tradom glan kowa ninna kol dui rajen pral i Amorarjen glan tumende win. Tumare chare un boge kran kowa gar.

5. Mose 7:20

Kote pashel bitchrell tumaro baro Dewel bari bibacht un daar ap lende bis te kolla, hoi pral atchenn un pen glan tumende khatrenn, ninna maredo wan.

5. Mose 1:44

Un i Amorarja, kai kote djiwan, wan win un djan ap tumende pre, un tradan tumen an o them Seir, har biene jekes palla lenn. Un dan tumen pash o foro Horma.

Jesaja 13:5

Dran dur themma wenn le koi, i palstuni rigjatar i phubjatar. O baro Dewel well kolentsa, kai leskri choli pral o tselo them anenna, te krenn le halauter paash.

Jesaja 7:17

Un pral tute un tire menshende un i menshende an tiro them anell o baro Dewel sawe diwessa, har jon gar wan, jaake rah har dran o them Israel dui themma wan: o Israel un o Juda. Kol diwessa wenna o baro rajeha pral o them Assur.”

Debleskri gili 118:12

Jon peran ap mande pre har i biene. An i soor o baro Deblestar nai tradom len pale. Har i jag sik win djal, hoi an i subjengre burra chatchell, jaake sik his le krik.

2. Mose 8:24

Kote penas o Farao: “Me mukau tumen te djal, te nai marenn viechen leske an o mulo tato them. Ma djan jaake dur krik! Un mangenn tumaro Debles mange!”

2. Mose 8:21

Kote mukas o Farao o Moses un o Arones gole te dell un penas ap lende: “Djan un marenn kate an o them viechen tumaro Debleske!”

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.

Zakarie 10:8

Me kamau mire menshen gole te dell, awa, khetne gole te dell, te lap len win kotar, kai le pandle hi. Jon te wenn jaake bud har an o phuro tsiro.

Debleskri gili 105:31

Job penas, te wenn matsille, hoi tchurje denn, un bud matsille wan an o tselo them.