Jesaja 64:7 - O Debleskro Drom 2021 (Sinte)

⁷ Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

O Debleskro Lab 2024 (Sinte-Manouche)

⁷ Kanna, baro Devel, tou maro dad, mer ham har i loli phoub, dran kolate tou i čaro rhačeh. Tire vasta kran men halauter.

Jesaja 64:7 Referans Kwoze

Ezekiel 22:30

Un me rodom i murshes mank lende, kai krals i massuri trul o foro pale newes. Rodom jekes, kai tchiwas pes pre glan mande kote, kai i barra win phagedo wan, un rakrals mishto kol menshenge, te hunte marap len gar. Un me hatsom kekes.

Hosea 7:14

Te denn le gole ap mande, well kowa gar dran lengro dji. Tchiddo hi le ap pengro tchiben un rowenna soreles, un tchinenn pen ratles, te well len djob un mool. Ap mande shunenn le gar.

Jesaja 59:16

Un bare jakentsa dikell lo, te hi kek mursh koi, kai koi djal, te well lo kolenge ap i rig, kai tele rikedo hi. Kote was lo kokres peskri sorjah, un peskro tchatchepen was leske pash o wast.

Hosea 7:7

Halauter lendar chatchenn i choljatar har i bob. Jon marenn pengre tchatchepaskre rajen. Lengre bare raja perenn jek pal o wawar. Un kek lendar dell pal mande gole.

Jesaja 59:2

Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Jesaja 54:8

Har miri choli pral keras, rissrom me man tutar tele i tikno tsireske. Miro latchepen tuke herell gar pre. Doleske krau miro dji tuke bares pre, penell o baro Dewel, kowa kai tut dran o pandepen win lell.

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

Jesaja 27:5

Jaake djal lauterenge, kai gar pash mande wenn, te rikrap mire wasta pral lende. Mu wenn le pash mande, te las kowa krik, hoi mank mende tardo hi. Awa, mu wenn le, te was mer mala.

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Ezekiel 24:11

Un i piri, te hi buder tchi an late dren, palle tchip lat ap ko tele chatchedo kasht, hoi gomme lolo hi, te well li tato, un lakro saster lolo o tatepastar, te djal ko tselo tchik tele, hoi les tchiklo kras!

Jeremia 9:7

Lengro rakepen hi har faile, hoi anenn o merepen. Peskro mujeha rakrell hakeno kamles, an o dji lurell job, har te taprell lo o wawares.

Jesaja 59:4

Kekeske tumendar, kai djal glan o tchatchepaskro mursheste, djal trul o tchatchepen. Un kek, kai anell tchomone ap i wawareste pre, penell o tchatchepen. Pash tumende hi jaake: Ap kowa, hoi tchi moldo hi, rikrenn tumen, un rakrenn o chochepen. Kowa, hoi an tumare sherja trujel djal, hi har nai chochenn un dukrenn i wawaren. Ko tchilatcho koowa, hoi win well, anell o merepen,

Jesaja 57:17

Lengri doosh his, te lan le gar doha. Pral kowa wom chojedo, un koleske dom me len, khatrom man glan lende un choirom man. Un jon djan dureder ap pengro drom un wan gar pale pash mande.

Jesaja 56:4

Leske penell o baro Dewel: Te rikreh tu o Debleskro diwes dren, un kameh kowa te krell, hoi mange mishto hi, un rikreh tut ap kol laba, hoi mire menshendar win krom,

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Debleskri gili 14:4

“Djinenn kol tchilatche gar, hoi jon krenna”, penell o baro Dewel, – “kolla, kai chan mire menshen har i kotar maro? Un ap mande denn le gar gole.”

Hiob 8:4

Tire tchawe kran, hoi tchilatches his glan leskre jaka. Doleske das lo len pengri phagi.

2. Mose 32:12

Kameh, te penenn i Egiptarja: ‘Kau Dewel anas i Israelitarjen dran maro them win, te marell lo len an i berge, te atchell kek lendar pral ap i phub.’ Mangau tut, dja pale tiri chatchedi choljatar! Muk kai bibacht gar pral lende te well!

Hiob 10:9

Ma biste, te kral man dran tchik. Kameh tu kanna, te wap pale tchik?

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Jesaja 45:9

Djungeles djal koleske, kai chojedo hi koleha, kai les kras! Job hi tchi har i kotar dran i paash dino tcharo mank wawar paash dine kotja. Ko tchik, dran koleste tchare chatchedo wenn, nai penell lo ap koleste, kai lestar tchomone krell: Hoi kreh tu? Un ko tcharo, hoi lo kras, penell kowa nai ap leste: Tu haiweh tchi!

Jesaja 63:16

Tu hal maro dad. O Abraham djinell tchi mendar, un o Jakob prindjrell men gar. Tu, baro Dewel, hal maro dad, kowa kai men win las dran o them Egiptia. Glan rah tsiro kral tu tuke koleha i baro lab.

Maleachi 1:6

O baro Dewel, ko rai pral o bolepen un i phub, penell: I tchawo hunte hadell peskro dades, un i budepaskro hunte dikell pre ap peskro rajeste. Me hom tumaro dad – hoske hadenn man gar? Me hom tumaro rai – hoske dikenn gar pre ap mande? Tumer rashaja, tumer dikenn tele ap mande. Un tumer putchenn: Hoi kram, kai peneh ‘tumer dikan tele ap mande?’

Maleachi 2:10

Men halauteren hi jek dad! O emligo Dewel kras men halauter! Hoske phukrell ko jek ap o wawareste, un rikrell pes gar ap kowa, hoi o baro Dewel mare phurentsa win kras?