Jesaja 64:5 - O Debleskro Drom 2021 (Sinte)

⁵ Kanna wam halauter glan tute har jek, kai pale-tchiddo hi. Ninna o tchatcho koowa, hoi kram, hi har i ratli baja ap mende. Mer halauter wam har mule patria. Mari doosh hidjrell men krik, har i ducho mule patria krik phurdell.

O Debleskro Lab 2024 (Sinte-Manouche)

⁵ Kanna vam halauter glan toute har yek, kay pale-čiddo hi. Ninna o čačo koova, hoy kram, hi har i ratli baya ap mende. Mer halauter vam har moule patria. Mari doosh hidjrell men krik, har i dourho moule patria krik phourdell.

Jesaja 64:5 Referans Kwoze

Hebrearja 4:16

Dran kowa was mer glan maro latcho Debleste. Koles hi i baro dji menge, te dell lo men peskri soor ap ko tsiro, kai hunte las mer leskri soor.

Maleachi 3:6

Me, o baro Dewel, atchau har hom. Un tumer, o Jakobeskre tchawe, atchan ninna har hans:

Hosea 11:8

Har nai mukaus me tutar, Efrajim, har nai daus tut an o wast kolendar, kai marenn tut, Israel? Kraus me tuha, har krom kol forjentsa Adma un Zebojim? Na-a, kowa phagals miro dji! Tu khaiteh man jaake!

Jesaja 63:10

Ninna te his lo lenge jaake latches, kaman le gar ap leste te shunell, un dukran les an leskro dji. Kote was lo chojedo ap lende, un kuras pes lentsa.

Debleskri gili 112:1

Sharedo well o baro Dewel! Bachtelo hi kowa, kai djiwell o baro Debleha, un rikrell pes o tselo djijestar ap leskre laba.

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 37:4

Rode tiri bacht pash o baro Debleste, palle dell job tut lauter, hoi tiro dji kamella.

Debleskri gili 25:10

I tsele dromma hi latcho un tchatcho, kai o baro Dewel kolen anell, kai rikrenn pen ap leskre laba un krenn, hoi job lenge penell.

2. Mose 30:6

Tchip o sonakaskro bob glan o wudar dran o kutch kotar than. Pal ko wudar hi o mochton, kai o Debleskre deesh laba dren hi, un kai o pralstuno kotar pre hi, hoi sikrella, kai o Dewel peskre menshenge latcho hi.

2. Mose 25:22

Kote kamau pash tute te well. Mashkral kol dui bolepangre, hoi ap o mochton hi, kai i deesh laba dren hi, kotar rakrau tuha un penau tuke lauter, hoi i Israelitarja hunte krenn.

2. Mose 20:24

Hi mange doha, te krenn mange i chatchepaskri dran phub! Koi pre anenn mange kol marede bakren un grumjen, hoi chatchrenn tseles mange, ninna kolen, hoi mange marenn, te chan tumer lengro mass khetne glan mande. Kote, kai kamau, te mangenn man an, kote wau me pash tumende un dau tumen miri bacht un miri soor.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 26:13

Baro Dewel, maro rai, pral mende his gomme wawar i raja. Tut kokres sharah mer.

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

Daniel 9:5

Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

Jesaja 1:30

Un tumer kokres wenn har i ruk, koleskre patria buder gar senelo hi, un har i baar, an kolate kek pani buder hi.

Jesaja 27:8

Na-a, job das len lengri phagi, har job len pestar krik bitchras. Dran lengro them wan le krik tradedo har i sorelo ducheha, hoi kotar phurdell, kai o kham pre djal.

Zakarie 3:3

O Jeshua his koi tardo, an-rido an tchikle koola.