Jesaja 55:3 - O Debleskro Drom 2021 (Sinte)

³ Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

O Debleskro Lab 2024 (Sinte-Manouche)

³ Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

Jesaja 55:3 Referans Kwoze

Jeremia 32:40

Un me krau lentsa win, te mukap gar tele, te krap lenge latchepen, un te dap len i dji, hoi ap mande shunell, un mukell man gar. Kau lab, hoi lentsa win krau, atchell hako tsireske.

Mateo 11:28

Tumer marenna tumen tele, te krenn kowa, hoi tumare phure ap tumende penan. Awenn pash mande! Me lau ko pharo koowa tumendar, te lenn tumer pale newi soor.

Gosewe laba 4:20

Miro tchawo, de jak ap kowa, hoi rakrau! Shun mishto ap mire laba!

Johanni 10:27

Mire bakre shunenn ap miro rakepen. Un me prindjrau len. Un jon djan mange palla.

Bičepangre 13:34

O Dewel kras o Jesuses i mulendar djido. Un job merell buder gar. Ap mare phurende penas o Dewel: Me kamau tumen miro latchepen un miro kamlepen te dell, har me o Davideske penom, te dap leste.

1. Mose 17:7

Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

Johanni 6:37

Halauter kolla, kai dell man o dad, wenn pash mande. Un halauter kolla, kai wenn pash mande, kolen witsrau me gar win.

Jesaja 61:8

Me, o baro Dewel kamau o tchatchepen, un hom chojedo pral o tchorepen un o tchilatchepen. Un tchatchepah, me dau latcho koowa i menshende an Juda ko tselo tchilatchepaske, hoi ap lende was. Un me krau lentsa win, te atchas mer mala hako tsiro. Koi pre dau miro tchatcho wast.

Debleskri gili 78:1

Giwede laba o Asafestar. Mire menshale, shunenn, hoi tumenge penau! Shunenn mishto ap mire laba!

Jesaja 54:8

Har miri choli pral keras, rissrom me man tutar tele i tikno tsireske. Miro latchepen tuke herell gar pre. Doleske krau miro dji tuke bares pre, penell o baro Dewel, kowa kai tut dran o pandepen win lell.

3. Mose 18:5

Doleske krenn, hoi me tumendar kamau, un djiwenn pal miro tchatchepen. I mensho, kai rikrell pes ap kowa, koles hi tchatchepah o djipen. Me hom o baro Dewel.

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.

Johanni 8:47

Koon o Deblestar wella, shunella ap kowa, hoi o Dewel penella. Tumer wenn gar lestar. Doleske shunenn tumer gar ap leskre laba.”

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Jeremia 30:9

kokres pengro baro Debleske, un pengro baro rajeske. Kowa hi i tchawo o Davidestar, koles me i baro rajes krau.

Debleskri gili 119:112

Me krau miro dji pre, te krap, hoi tu mandar kameh kanna un hako tsiro.

Debleskri gili 89:28

Un me krau, te well lo miro phureder tchawo, un o pralstuno pral i bare rajende ap kai phub.

2. Samuel 23:5

O Dewel das man peskro lab hako tsireske, un hoi lo penas hi mishto un atchell tardo. Jaake hi miro kheer soreles glan leste tardo. Lauter, hoi mange mishto hi un hoi kamau o djijestar, mukell lo mishto te djal.

Mateo 13:16

Bachtele han tumer, kai dikenna un shunenna, hoi me tumenge penau un sikrau.

Remarja 10:5

Kowa, kai rikrell pes ap o Moseskre laba, te well lo tchatcho glan o Debleste, hunte krell kowa, hoi kote tchinlo hi. O Mose tchinas an peskre lila: Ko mensho lell o djipen o Deblestar, kai krell, hoi kote tchinlo hi.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

2. Familjakro liil 6:42

Tu baro Dewel, maro rai, ma bitche man, ko rajes, kones tu win rodal, tutar krik. Muk tuke ko latchepen an o shero te well, hoi penal o Davideske, kai tuke koi his.

Debleskri gili 119:175

Muk man te djiwell, te sharap tut, kre man soreles tire tchatchepaskre labentsa.

Jesaja 51:4

Shunenn ap mande, mire menshe, denn jak ap kowa, hoi penau! Me sikrau o drom, hoi te djan. Un mire tchatchepaskre laba hi har i momeli, hoi sikrell i menshenge an i tsele themma. hoi tchatcho hi.

Jesaja 54:10

I berge nai djan ap i rig, un i tikne berge nai perenn khetne, miro latchepen, kowa djal gar tutar, un kowa, hoi win kram, te ham mer mala, atchell tardo. Kowa penau me, o baro Dewel, kai peskro dji tuke pre kras.

Jeremia 38:20

O Jeremia penas: Jon denn tut gar an lengro wast. Shun ap o baro Debleskro rakepen, hoi me tuke penau, palle djal tuke mishto, un tu atcheh djido.

Ezekiel 16:60

Ninna te rikral tiro lab gar, bistrau me kowa gar, hoi tuha win krom, har hals terno. Un me krau tuha pale newes win, te wap tiro Dewel. Un kowa, hoi tuha newes win krau, atchell hako tsireske.

Ezekiel 34:24

Un me, o baro Dewel, wau lengro Dewel. Un ko mursh, kai hi har miro budepaskro, o David, well o rai mank lende. Kawa penau me, o baro Dewel.

Ezekiel 37:26

Un me pandau miro dji ap lende, un krau lentsa win, te nai djiwenn le an o latchepen. Kowa te atchell hako tsireske jaake. Un me mukau len bud te well, un krau lendar i soreli natsjona. Un miro kheer atchell mashkral lende hako tsireske.

Amos 5:4

O baro Dewel penell ap o kheer Israel: Rodenn man, palle djiwenn!

Amos 5:6

Te kamenn djido te atchell, palle rodenn o baro Debles. Te krenn kowa gar, tumer dran o kheer Josef, well job pral Betel har i bari jag, hoi kek nai win krella.

1. Mose 49:10

Hako tsiro well o baro rai dran o kheer Juda, un jek leskre menshendar rikrell o rajeskro kasht an o wast jaake rah, bis te well kowa, kai tchatchepah o baro rai hi. Ap koleste shunenn i natsjone ap i phub.

2. Mose 15:26

Un job penas: “Te shuneh tu ap mande, tiro baro Debleste, un kreh, hoi me penau, lauter, hoi an mire jaka tchatcho hi, un rikreh tut ap mire laba un kreh, hoi me tutar kamau, palle tchiwau me kek nasslepen ap tute, hoi tchiwom ap i Egiptarja. Me hom o baro Dewel, kai tut sasto krell.”

2. Samuel 7:29

Kanna tchip tiri bacht pral mande un mire menshende, te atchenn le glan tute hako tsiro, jaake har tu baro Dewel, miro rai, rakral. Muk te well tiri bacht un tiri soor ap mire menshende hako tsiro!”

Debleskri gili 89:29

Hako tsiro atchell miro latchepen ap leste, un miro lab, hoi leske sowel dom, rikrau me.

Gosewe laba 7:2

Rike mire laba un tu djiweh, de jak ap lende har ap tiro jak!

Ezekiel 34:25

Un me pandau miro dji ap lende, un krau lentsa win, te nai djiwenn le an o latchepen. Hake diwje viechen tradau krik dran o them. Un an o mulo them nai djiwenn le kek darjah. Un an i wesha sowenn le.