Jesaja 5:8 - O Debleskro Drom 2021 (Sinte)

⁸ Djungelo djal kolenge, kai krenn pen jek kheer pal o wawar, un ginenn penge jek kotar phub pal o wawar, bis te buder kek kotja phub pral atchenn, un lenge kokres o tselo them hi.

O Debleskro Lab 2024 (Sinte-Manouche)

⁸ Djungelo djal kolenge, kay krenn pen yek kheer pal o vavar, oun ginenn penge yek kotar phoub pal o vavar, bis te bouder kek kotya phoub pral ačenn, oun lenge kokres o tselo them hi.

Jesaja 5:8 Referans Kwoze

Micha 2:2

Kamenn le jekeskro kotar phub, randenn le les, un lenn penge khera wawar menshendar, har jon kamenna. Tchilatchi sorjah djan le ap jekeste, un lenn penge leskro kheer un kowa, hoi les peskro dadestar was.

Mateo 23:13

Tumer tchatchepangre un Farisarja! Kowa, hoi tumer krenna, ko hi gar mishto. Tumaro patsepen ap o Debleste hi chochepen! Tumer krenn o wudar pandlo, te well kek ap o Debleskro drom. Tumer djan gar koi dren. Witar gar mukenn i wawaren dren te djal.

Ezekiel 33:24

Tu, mensho, kolla, kai an kol khetne dine forja an o them Israel djiwenn, penenn: “O Abraham his jek, un kowa las o tselo them peske dren. Mer ham bud, – tchatchepah, menge hi o them dino!”

Ezekiel 11:15

Tu, mensho, kol menshe, kai gomme an o foro Jerusalem djiwenn, kolla penenn fun tire phralendar un tire menshendar un i tsele wawar Israelendar, kai pandles an o them Babilonia anlo wan: “Dur krik hi le o baro Deblestar! Menge hi kanna o them!”

Hiob 15:28

Un job djiwell an mukle forja, an khera, hoi khetne perenn, kai kek hunte djiwell.

Amos 1:13

O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

Hiob 20:21

Job chas lauter an peste dren, mukas tchi pral i wawarenge. Doleske atchell leskro shukar djipen gar.

Gosewe laba 15:27

Koon chochepah peskro brawlepen khetne lell, anell peskri familja an i bibacht. Koon mukell pes gar te ginell, sawo djiwell.

Micha 2:1

Hawi bibacht well pral kolende, kai hi tchiddo ap pengro tchiben, un an lengro shero djal tchilatcho koowa trujel, hoi kamenn le te krell. Jaake sik har o kham pre djal, krenn le, hoi le pen glan lan. Len hi i soor, te krenn le, hoi le kamenn.

Habakuk 2:6

O diwes well, kai giwenn kolla lauter i sapaskri gili pral koleste, kai rikras len tele, un rakrenn laba, kolentsa jon pral leste san. Jon penenna: Djungeles djal tuke, kai leh tuke, hoi gar tiro hi! Har rah kameh jaake dureder te krell, un brawelo te well ko koweha, hoi kolla hunte denn tut, kolen sijaan pash tute hi?