Jesaja 5:1 - O Debleskro Drom 2021 (Sinte)

¹ Shunenn, kamau miro maleske i gili te giwell, i gili pral leskro drakengro them. Miro males his i latchi phub ap i tikni berga.

O Debleskro Lab 2024 (Sinte-Manouche)

¹ Shounenn, kamau miro maleske i gili te givell, i gili pral leskro drakengro them. Miro males his i lači phoub ap i tikni berga.

Jesaja 5:1 Referans Kwoze

Markus 12:1

Un o Jesus penas lenge laba, kai i khatedo tchatchepen dren hi. Un job penas: His i mursh, koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas lo ko kotar phub ap i hachende, te budrenn le kote leske. Un job djas peske an i wawar them.

Louka 20:9

Un o Jesus penas i menshenge laba, kai i khatedo tchatchepen dren hi, un penas: “His i mursh. Koles his i kotar them. Kote tchiwas lo drakengre ruka an i phub, un patsas kau them ap i hachende, te budrenn le kote leske. Un job djas peske an i wawar them i rah tsireske.

Johanni 15:1

“Me hom ko tchatcho drakengro ruk. Un miro dad hi ko hacho, kai budrell an koi baar, kai i drakengre ruka tardo hi.

Mateo 21:33

Un o Jesus penas lenge laba, kai i khatedo tchatchepen dren hi: “Shunenn, hoi me tumenge kanna penau. His i rai. Koles his i kotar them. Kote tchiwas lo drakengre ruka an i phub. Trul ko kotar them tchiwas lo barra. Un kote kras lo ninna i platsa an i phub, kai nai stakrenn le ap i drake, te well i mool win. Mashkral kol ruka kras lo i kheer, kai kowa beshdo hi, kai dell garda ap i drake. Palle patsas o rai ko kotar them ap i hachende, te budrenn le kote leske. Un job djas peske an i wawar them.

Jeremia 2:21

Me tchiwom tut dren har i wi-rodedo drakengro ruk, i latcho shukar ruk. Un hoi was kanna dran tute? I diwjo djungelo ruk!

Debleskri gili 80:8

Tu, Dewel un rai pral o bolepen un i phub, hade men pale pre! Dik latches ap mende, jaake djal menge pale mishto.

Kamlepaskri gili 2:16

Miro pirno hi miro, un me hom leskri. Job hatsell peskri bacht mank i lilja.

Kamlepaskri gili 6:3

Miro pirno hi miro, un me hom leskri. Job hatsell peskri bacht mank i lilja.

Kamlepaskri gili 5:16

Leskro rakepen hi gudlo, un halauter ap leste hi kamlo. Kowa hi miro pirno; awa, kowa hi miro maal, tumer tcha dran o foro Jerusalem!

Kamlepaskri gili 5:2

Me sowom, miro dji his djangelo. Shun, miro pirno dell ap o wudar: Kre mange pre, hejo, miri pirni, miri tauba, miri gudli! Mire balla hi sapeno.

Debleskri gili 45:1

I bijabeskri gili jekestar, kai hi dran i familja Korach. Koi gili hi o rajeske pral i gipangre, te giwell pash o bashepen ap i shob-dorjengri bashepaskri.

Debleskri gili 101:1

I gili o Davidestar. Pral o latchepen un o tchatchepen kamau me te giwell. Tut, mo baro Debles, kamau me te sharell.

Debleskri gili 60:5

Tu mukal tire menshen pharo koowa te dikell. Tu dal men sawi mool te pijell, te wam mato.

Jeremia 12:10

Bud raja dran wawar themma wan, un kran miro drakengro them paash, un stakran miro kotar phub khetne. Dran miro shukar kotar them kran jon i mulo them.

Ezekiel 15:2

Tu, mensho, pen mange: Hi o kasht i drakengro rukestar feteder har o wawar kasht dran o weesh?

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

5. Mose 8:7

Tumaro baro Dewel anell tumen an i latcho them. An kau them nashenna panja, hoi wenn win dran i phub, un nashenn i berge tele an i telstuno them.

5. Mose 8:10

Un te chan un wan tchales, palle sharenn tumaro baro Debles ko latcho themeske, hoi lo tumen das.

Ezekiel 19:10

Tiri dai his har i drakengro ruk, hoi was pash o pani an i phub tchiddo. Un har les jaake bud pani his, hidjras lo bud drake, un bud senele kashta his ap leste.