Jesaja 49:8 - O Debleskro Drom 2021 (Sinte)

⁸ Kawa penell o baro Dewel: Har his o tsiro mishto, shunom ab tiri gole. Har was ko diwes, kai lom tut win dran i bibacht, wom ap tiri rig. Un me dom jak ap tute. Me lom tut: – te wess i drom, kai nai wenn i menshe dran hake themma pash mande, – te tchiwess pale o them pre tardo, – te dess tu lende kol kotja them, hoi lenge hi, un kanna muklo hi,

O Debleskro Lab 2024 (Sinte-Manouche)

⁸ Kava penell o baro Devel: Har his o tsiro mishto, shounom ab tiri gole. Har vas ko dives, kay lom tout vin dran i bibarht, vom ap tiri rig. Oun me dom yak ap toute. Me lom tout: – te vess i drom, kay nay venn i menshe dran hake themma pash mande, – te čivess pale o them pre tardo, – te dess tou lende kol kotya them, hoy lenge hi, oun kanna mouklo hi,

Jesaja 49:8 Referans Kwoze

2. Korintarja 6:2

O Dewel penell an peskro lab: “Ap o tchatcho tsiro shunau tut, ap ko diwes lau tut dran o tchilatchepen win un dau tut o newo djipen.” Shunenn, kanna hi o tchatcho tsiro kai! Kanna lell lo tumen dran o tchilatchepen win!

Jesaja 42:6

Me, o baro Dewel, dom tut gole, te aness o tchatchepen pash i menshende. Me taprom tut pash tiro wast. Un me dau jak ap tute. Tu wess o rakepaskro, kai krell i menshentsa win, te wap lengro Dewel; un wess i menshenge an i tsele themma i momeli, hoi sikrell len o drom pash mande.

Debleskri gili 69:13

Ap i platsa, kai le khetne wenn, rakrenn le pral mande. Un mate giwenn gilja pral mande.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

Jesaja 61:4

Kol phure forja, hoi jaake rah tele phagedo un paash dino koi tchiddo hi, tchiwenn jon pale pre. Kal forja, kai bud bersha buder kek djiwell, wenn pale newes kerdo.

Jesaja 58:12

Un tire menshe tchiwenn pale kol phure forja pre, hoi bud bersha paash dino koi tchiddo his. Awa, jon krenn kol phure massurja newes, kolen tire phure menshe koi tchiwan glan i rah tsiro. Un tu weh kharedo: Kowa, kai phagede massurja pale pre tardo tchiwell, un kowa, kai i dromma kote pale tseles krell, kai i menshe djiwenn.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

Jesaja 44:26

Me krau, te wenn kol laba tchatcho, hoi miro budepaskro rakras. Un kowa, hoi mire bitchepangre glan-wi penan, mukau jaake te djal, har le les penan. Me hom kowa, kai ap o foro Jerusalem penell: “Mu djiwenn menshe an tute!” Un pral i forja an o them Juda penau: “Jon wenn pale pre tardo.” Lauter hoi khetne phagedo hi, tchiwau me pale pre tardo!

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

Jesaja 54:3

Tiri familja well bareder un bareder un len hunte well budeder platsa ap i tchatchi rig un ap i serwi rig. Un tire tchawe tradenn wawar menshen win, un djiwenn pale an kol forja, hoi paash dino wan.

Jesaja 49:19

Tchatchepah, i gaba un forja an tiro them wan paash dino un tele chatchedo. Un buder gar bud menshe djiwenn koi. Ko tsiro well, kai hi kau them gar bares doha kol bud menshenge, kai djiwenn kote. Un kolla, kai kaman tut pre te chal, atchenn dur krik tutar.

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 26:3

Baro Dewel, tu rikreh tire wasta pral kolende, kai mukenn pen gar tutar krik te tserdell, un deh len shukapen an o dji. Ap tute rikrenn le pen.

Debleskri gili 75:3

“Te was miro tsiro”, penell o Dewel, “rakrau o tchatchepen win pral hakeneste.

Debleskri gili 2:8

Te mangeh mandar i tsele themma, dau me len tute. Awa, i tseli phub dau me tute, te well li tiro.

Hebrearja 8:6

Maro baro rashai hi o Jesus. Koleste das o Dewel i feteder budi har kol rashajende ap i phub. Job hi ninna maro rakepaskro, kai kras menge i newo drom, kai nai wah pash o Debleste. Kau newo drom hi feteder har o phuro drom, hoi o Mose sikras. Ap kau newo drom djiwah nai tchatchepah o Debleha khetne, jaake har job kowa menge penas.

Mateo 26:28

Kai mool hi miro rat, hoi me ratau budenge, te lap lengri doosh lendar. Jaake krau i drom, kai o Dewel un i menshe mala wenna.

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

2. Samuel 7:13

Kowa krell mange i kheer. Un me krau te atchell lo hako tsiro baro rai.

Jesaja 27:3

Me, o baro Dewel, dau ap leste jak, un dau les pale te pale pani. Kek tsiro mukau les dran miro jak, jaake te nai krell les kek tchomone.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 55:6

Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

Jesaja 57:13

Te deh tu palle gole, mu wenn jon ap tiri rig – tire tsele chochene debla! I phurdepen hadell len lauter krik. I tikno ducho phurdell len trujel. Kolla, kai rikrenn pen ap mande, lenn o them, te well lo lengro, un djiwenn ap miri berga, kai an-mangedo wau.

Jesaja 58:5

Patsenn tumer, kai mange mishto hi, te rikrell pes i mensho pale o chapastar, un mukell peskro shero tele te perell har i phagedo shilftikro halmo? Te pandell lo i gono trul peste un beshell pes an i jagakri tchik? Patsenn tumer, sawo koowa hi mishto mange? Hi kowa tchatchepah i diwes, ap koleste me, o baro Dewel, latches dikau?

Jesaja 61:2

Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

Jesaja 65:9

O Jakobestar wenna pale menshe, un dran Juda wenna sawe, kai ap mire berge djiwenna. Kolen, kai me win rodom, lenge well o them, un mire budepangre djiwenn kote.