Jesaja 49:11 - O Debleskro Drom 2021 (Sinte)

¹¹ Mank mire tsele berge krau i drom, un mire dromma djan pral lende wergel.

O Debleskro Lab 2024 (Sinte-Manouche)

¹¹ Mank mire tsele berge krau i drom, oun mire dromma djan pral lende vergel.

Jesaja 49:11 Referans Kwoze

Jesaja 11:16

Un palle dell i drom dran o them Assur win kolenge, kai leskre menshendar Israel kote djides atchan, jaake har i drom das peskre menshenge ap ko diwes, har djan jon dran o them Egiptia win.

Jesaja 62:10

Murshale an o foro Jerusalem, djan win dran o foreskre wudja! Djan win! Krenn i drom i menshenge, kai khere wenn! Krenn o drom tchatcho! Lenn kol barra krik! Krenn ko drom djudjo! Hadenn i sikepen pre i menshenge dran wawar themma!

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Jesaja 57:14

O baro Dewel penell: Krenn o drom! Krenn o drom! Krenn mire menshenge o drom! Lenn halauter krik, hoi lenge ap o drom tchiddo hi!

Jesaja 43:19

Dik, me krau newo koowa! Kanna well kowa! Haiwenn un dikenn les gar? Awa, me krau i drom an o mulo them, un mukau bare sorele panja te nashell an o tato them.

Debleskri gili 107:7

Un job sikras len o tchatcho drom, jaake te wan le an i foro, kai menshe djiwenna.

Debleskri gili 107:4

Mank lende his sawe menshe, kai his nashedo an o mulo tato them. Kek drom hatsan le, witar kek foro, kai menshe djiwenna.

Jesaja 19:23

Ap ko diwes dell i drom, hoi djal dran o them Egiptia pash o them Assur. Un i menshe dran Assur wenn an Egiptia, un i Egiptarja wenn an Assur. Un khetne mangenn le o Debles an.

Jesaja 52:12

Kau kopo hunte nashenn gar sik kotar win, witar gar jaake har wans ap o naashepen. O baro Dewel djal tumenge glan win, un dell pal tumende jak, job, o Dewel pral o Israel.