Jesaja 48:4 - O Debleskro Drom 2021 (Sinte)

⁴ Me djinau, te hi tumen barrengre djia, un tumare menja hi sorelo har dran saster, un tumare sherja har dran lolo saster.

O Debleskro Lab 2024 (Sinte-Manouche)

⁴ Me djinau, te hi t'men barrengre djia, oun t'mare menya hi zorelo har dran saster, oun t'mare sherya har dran lolo saster.

Jesaja 48:4 Referans Kwoze

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.

2. Mose 32:9

Un o baro Dewel penas ap o Mose: “Me dikau, kai djiwenn kol menshe pal pengro shero un kamenn gar te shunell.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

Jeremia 19:15

O baro Dewel, o rai pral o bolepen un i phub, kai o Israeleskro Dewel hi, penell: I menshe an Jerusalem un an i gaba un forja trujel pandan pengre djia, un kamenn mire laba gar te shunell. Doleske anau pral lende koi tseli bibacht, hoi lenge glan-wi penom.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

5. Mose 31:27

Me djinau, har djan tumer pal tumaro shero un kamenn gar te shunell. Ninna kanna, kai gomme pash tumende djiwau, mukenn tumenge tchi o baro Deblestar te penell. Har well kowa, te hom mulo?”

2. Mose 33:5

Jaake kran le, hoi o baro Dewel o Moseske penas. Leske penas lo: “Pen ap i Israelitarja: Tumer djiwenn pal tumaro shero un kamenn gar te shunell. Te woms me tumentsa i tikno tsiro ap o drom, doms me tumen mulo. Tchiwenn kanna tumaro sonakai un rup tele! Pal kowa kamau me dikell, hoi tumentsa krau.”

Debleskri gili 78:8

jaake te wenn le gar har pengre phure, kai o Debleskro dromestar tele peran, un kaman gar te shunell. Kolengre djia his gar sorelo, un jon his gar pengro tselo djijeha pash o Debleste.

Debleskri gili 75:5

Me penom ap kolende, hoi pen bares krenn: ‘Ma phurdenn tumen jaake pre!’ Un ap i tchilatchende penom: ‘Ma hadenn tumen!

2. Mose 33:3

Jaake anau tumen an ko them, kai hi bud thud un gwin. Me wau gar tumentsa. Tumer djiwenn pal tumaro shero un kamenn gar te shunell. Un me doms nai tumen mulo ap o drom, te djoms tumentsa.”

Jesaja 46:12

Shunenn ap mande, tumer, kai barrengre djia an tumende hi, tumer, kai patsenn, te well tumen kek tchatchepen.

2. Familjakro liil 36:13

Ninna te hunte das job pes sowel glan o Debleste, te rikrell lo pes ap o baro rajeste pral o them Babilonia, o Nebukadnezar, peras lo kolestar tele, un shunas buder gar ap leste. Un job djas pal peskro shero un kras peskro dji har i bar, un was buder gar pale pash o baro Debleste, kai o Israeleskro Dewel hi.

Hebrearja 3:13

Rakrenn hako diwes khetne pral o patsepen, te atchenn pash o Debleste! Ko tsiro, kai rakrell o Dewel ap tumende hi kanna. Te shunenn tumer gar ap o Debleste, nai well i tsiro, kai shunenn tumer buder gar, te dell lo tumen gole.

Daniel 5:20

Har hadas pes leskro dji, un was job jaake pre-phurdo, te rikras lo glan tchi buder pale, was lo tele witsedo peskro rajeskro beshepaskri. Un o rajeskro barepen was lestar krik lino.

Jeremia 7:26

Tumer shunan gar ap mande, un dan kek garda ap mire laba. Tumer djan pal tumaro shero, un kran budeder tchilatchepen har tumare phure.

Jeremia 3:3

Doleske dell kek brishin an o wend, witar gar an o nijal. Tu dikeh win har i lubni un kameh tut gar te ladjell.

2. Familjakro liil 30:8

Ma krenn tumare djia har bar, har les tumare phure kran! Shunenn ap o baro Debleste! Un awenn an leskro kheer, koles job peske win rodas hako tsireske, un mangenn les an, kai tumaro Dewel hi! Palle djal leskri bari choli tumendar krik.

2. Rajengro liil 17:14

Jon kaman gar te shunell, un pandan pengre djia har lengre phure ninna kran, kai patsan gar lengro baro Debles.

5. Mose 10:16

Doleske shunenn kanna ap o baro Debleste, un djan gar buder pal tumaro shero!

Nehemia 9:28

Un har lenge pale mishto djas, kran le pale, hoi tchilatcho his glan tute. Un tu dal len an o wast kolendar, kai lenge tchilatchepen kaman. Un kolla wan i raja pral lende. Un jon dan pale gole ap tute, te wess ap lengri rig. Un tu shunal dran o bolepen, un an tiro baro latchepen lal len win dran lengre wasta. Un kowa kral tu bud kope jaake.

Ezekiel 2:4

Jon djan pal pengro shero, un lengro dji hi dran bar. Pash kolende bitchrau tut. Lenge peness: Kawa penell o baro Dewel, maro rai!

2. Mose 9:7

Un o Farao bitchras murshen pash lende, te dikenn le palla, hoi i Israeltikre viechentsa hi. Un har kolla koi his, dikan le, te meras pash lende kek lengre viechendar. Ninna kau kopo atchas o Faraeskro dji pandlo un job mukas i Israelitarjen gar te djal.

Jesaja 30:9

Kal menshe peran mandar tele. Har tchawe hi le, kai rakrenn chochepen, un kamenn gar mire laba te shunell.