Jesaja 44:9 - O Debleskro Drom 2021 (Sinte)

⁹ Kolla, kai deblengre figure kran, hi tchi moldo, un kol shukar figure hi ninna tchitcheske. Un kolla, kai mangenn len an, dikenn un haiwenn tchi, hoi lengro dewel krals.

O Debleskro Lab 2024 (Sinte-Manouche)

⁹ Kolla, kay deblengre figure kran, hi či moldo, oun kol shoukar figure hi ninna čičeske. Oun kolla, kay mangenn len an, dikenn oun hayvenn či, hoy lengro devel krals.

Jesaja 44:9 Referans Kwoze

Jesaja 41:24

Djinenn, kowa nai krenn le gar! Kol debla hi tchi-moldo un nai krenn tchi. Koon len peske win rodell, krell i pale-tchiddo koowa glan o Debleste.

Jesaja 41:29

Jon halauter hi chochene, un nai krenn tchi. Un i figure lendar hi gar budeder moldo har i ducho.

Debleskri gili 97:7

Ladj ap kolende, kai krenn penge wawar debla, un sharenn pen pengre mule deblentsa! Perenn tele ap i phub, tumer wawar debla, glan o baro Debleste!

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

1. Korintarja 8:4

Nai chah mer kanna ko mass, hoi anan le glan i figura, hoi mangenn le an, har te wals li i dewel? Mer djinah halauter, kai hi i figura kek tchatcho dewel. Dell jek Dewel un kek wawar.

Remarja 1:22

Kal menshe penenn pendar, te hi le gosewo. Dran kowa peran le an o dinlepen.

Daniel 11:38

Koles job hadell, kowa hi ko dewel, kai dell jak ap sorele khera un forja. Ko debles prindjran leskre phure gar. Koleste dell lo sonakai, rup, kutch barra un wawar kutch koowa.

Daniel 5:23

Un tu hadal tut pral leste, ko bolepaskro rajeste, un penal, te anenn le i khore dran leskro kheer glan tute. Un tumer pijan mool dran lende, tu un tire bare mursha, ninna tire romja un wawar djuwja. Un tu sharal i deblen dran rup un sonakai, dran lolo saster un wawar saster, kasht un bar, kol deblen, kai gar dikenn un gar shunenn. Ko Debles, koles tiro ducho an peskro wast hi, un pash koleste tire tsele dromma hi, koles hadal tu gar.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Jeremia 2:11

Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Jesaja 45:20

Awenn khetne, tumer, kai nashan tumenge glan o kurepen dran bud themma! Awenn pash mande, te kras o tchatchepen win! Kolla, kai hidjrenn pengre deblen pentsa, haiwan tchi, jon mangenn deblen an, kai nai wenn lenge gar ap i rig.

Jesaja 44:20

Kowa hi jaake, har te mangals lo i jagakri tchik an. Leskro dinelo dji anas les an o chochepen. Kote hatsell lo kek drom win, te penals lo peske: “Rikrau me man gar ap o chochepen?”

Jesaja 44:18

Kolla, kai mangenn i figuren an, haiwenn tchi, kek goswepen hi an lende, lengre jaka hi pandlo, te nai dikenn le tchi. Un lengro dji haiwell tchi.

Jesaja 43:8

An kai glan mande kol menshen, kai korele hi, ninna te hi len jaka, un kolen, kai shunenn gar, ninna te hi len kanda!

Jesaja 42:18

O baro Dewel penell: Shunenn, tumer, kai shunenn nai gar! Un tumer korele, dikenn un haiwenn!

Debleskri gili 135:18

Kolla, kai sawe deblen krenna, un ap lende patsenna, wenn jaake har jon.

Debleskri gili 115:8

Kol menshe, kai sawe deblen kran, un ap lende patsenn, mu wenn le jaake har jon!

Efesarja 4:18

O Deblestar kamenn le tchi te djinell. Lengro dji hi har i bar. Jaake djan le ap i tchilatcho drom, un prindjrenn ko djipen gar, hoi o Dewel della.

Čačepangre 10:14

Djan koi un denn ap kol deblende gole, hoi tumer tumenge win rodan, te wenn kolla tumenge ap i rig an ko tsiro, kai tumaro djipen pharo hi.”

5. Mose 27:15

“Praassedo well kowa, kai krell pes i sasterni figura, ninna i kashteni figura, te mangell lo lat tchorchanes an! Sawi figura kerdi mensheskre wastentsa hi djungeles glan o baro Debleskre jaka.” Un i tsele menshe hunte penenn: Amen!

2. Rajengro liil 19:18

Kolengre debla witsran le an i jag. Kolla his kek tchatche debla, wan kerdo i menshengre wastentsa dran kasht un bar. Doleske wan le khetne dino.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 42:17

Kolla, kai rikrenn pen ap i chochene debla, un penenn ap kolende, hoi i menshengre wastentsa kerdo wan: ‘Tumer han mare debla’, kolla wenn pale-tchiddo un hunte ladjenn pen.

Jesaja 43:9

I menshe dran i tsele themma wan khetne. Kek kolendar penas glan-wi, hoi an o phuro tsiro was. Kek kolendar penas menge glan-wi, hoi kanna well. Mu sikrenn le men, koon lendar tchomone glan-wi penas, hoi tchatchepah jaake was, te shunas mer kowa un nai penah: Kawa hi tchatcho!

Jesaja 44:11

Dik, halauter, kai les an-mangenn, hunte ladjenn pen. Un kolla, kai ko debles pengre wastentsa kran, hi menshe un tchi wawar Mu wenn le halauter khetne glan o tchatcho Debleste! Palle taprell len i daar, un an i ladj hi le koi tardo halauter.

Jesaja 45:16

Jon halauter, kai pen chochene deblen kran, hunte wenn wi-ladjedo koi tardo, un hunte wenn lolo i ladjatar.

Jesaja 65:13

Doleske penell o baro Dewel, maro rai: An ko tsiro, kai tumer bokenn, hi mire budepangren chapaske. An ko tsiro, kai tumer trushenn, hi mire budepangren doha te pijell. An ko tsiro, kai han an i ladj, hi mire budepangre an i bacht.

5. Mose 4:28

Un kote mangenn tumer kol deblen dran kasht un bar an, hoi menshengre wastentsa kerdo wan. Un kol debla nai dikenn un shunenn, nai chan un sungenn gar.

Debleskri gili 115:4

Lengre debla hi dran rup un sonakai. Menshengre wasta kran len.

Jesaja 57:12

Kanna sikrau me, hoi kowa moldo hi, hoi tu ‘tchatcho koowa’ khareh. Ko tselo koowa, hoi tu kral, hi tuke gar mishto.

Jeremia 2:26

Har i tchorepaskro hunte ladjell peske, te well job tapedo, jaake hunte ladjenn penge kol menshe an o them Israel, ninna kol bare raja, un pralstune un rashaja un Debleskre rakepangre,